Butorides virescens
Butorides virescens – Şimali və Mərkəzi Amerikada geniş yayılan kiçikölçülü vağ növü.
| Butorides virescens | ||||||||||||
|---|---|---|---|---|---|---|---|---|---|---|---|---|
 | ||||||||||||
| Elmi təsnifat | ||||||||||||
|
XƏTA: parent və rang parametrlərini doldurmaq lazımdır. ???: Butorides virescens |
||||||||||||
| Beynəlxalq elmi adı | ||||||||||||
| ||||||||||||
Etimologiyası
redaktəAdı "Butorides" qədim yunan dilində "oxşayan" mənasını verən "oides" və ingilis dilindəki "butor" (bittern) sözlərindən, "virescens" isə latınca "yaşımtıl" mənasını ifadə edir.[3]
Xüsusiyyətləri
redaktə"Butorides virescens" nisbətən kiçik ölçülüdür. Yetkin fərdlərin bədən uzunluğu 41–46 sm, çəkisi təxminən 240 qramdır. Uçuş zamanı qanadlarının genişliyi 64–68 sm-ə çatır. Bu quşun boynu bədəninə sıx çəkilmiş vəziyyətdə olur. Yetkin "Butorides virescens"ların başında parlaq yaşıl-qara örtük, yaşılmtıl arxa və qanadlar, qəhvəyi boyun, boz alt hissə və qısa sarı ayaqları var. Uzun və iti dimdiyi ilə seçilir. Dişi fərdlər erkəklərdən bir qədər kiçik olur və rəngləri daha solğun olur. Cavan fərdlərin başı, boynu və alt hissəsi qəhvəyi-ağ ləkələrlə örtülüdür. Yumurtadan çıxmış körpələr isə açıq boz və ağ rəngli yumşaq tüklərlə örtülmüşdür. Alt növlərin dəqiq təsnifatı hələ də qeyri-müəyyəndir. Rəng fərqlilikləri və fərdi xüsusiyyətlər alt növlərin ayrılmasını çətinləşdirir. Miqrasiya edən fərdlərin qanadları digərlərindən daha uzun olsa da, bu xüsusiyyət yalnız davranış fərqlilikləri ilə əlaqəlidir və alt növlərin müəyyənləşdirilməsi üçün kifayət deyil. Bu səbəbdən geniş molekulyar və filogenetik araşdırmalar tələb olunur.[4][5]
Ekologiya
redaktə"Butorides virescens"lar çay kənarları, bataqlıqlar, gölməçələr və göllər kimi su mənbələri olan ərazilərdə yaşayır. İnsan tərəfindən yaradılmış kanallar və arxlar da onların yaşayış yerlərinə daxildir. Bu quşlar həm gündüz, həm də gecə ovlayır və ovlarını kiçik balıqlar, qurbağalar və su həşəratlarından seçirlər. "Butorides virescens"lar digər quşlarla, hətta öz növləri ilə belə ov zamanı bir yerdə görünmürlər. Onlar sahildə və ya alçaq sularda duraraq ov edirlər və ovu tutmaq üçün qısa müddət havada süzüb hədəfə yaxınlaşırlar. "Butorides virescens"lar unikal bir xüsusiyyətləri ilə tanınır: alət istifadə edirlər. Çörək qabıqları, həşəratlar və ya digər əşyaları suya ataraq balıqları cəlb edir və yaxınlaşan balığı tuturlar. Bu davranış onları alət istifadə edən azsaylı quş növlərindən biri edir.[6][7]
Cütləşmə
redaktəQışlamağa köç edən "Butorides virescens"lar mart və aprel aylarında cütləşmə ərazilərinə qayıdırlar. Şimali bölgələrdə cütləşmə dövrü may ayının sonlarında başlayır. Erkəklər cütləşmə dövründə xüsusi səslər çıxarır və diqqətçəkici davranışlar nümayiş etdirirlər.[5]
İstinadlar
redaktə- ↑ Integrated Taxonomic Information System (ing.). 1996.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ Jobling, James A. The Helm Dictionary of Scientific Bird Names. London: Christopher Helm. 2010. 81, 402. ISBN 978-1-4081-2501-4.
- ↑ Cornell Lab of Ornithology. "Green Heron". İstifadə tarixi: 2010-04-08.
- ↑ 1 2 "Green Heron Identification, All About Birds, Cornell Lab of Ornithology". www.allaboutbirds.org (ingilis). İstifadə tarixi: 2020-09-26.
- ↑ "Butorides virescens (Green heron)". Animal Diversity Web.
- ↑ "Butorides virescens (Green Heron)" (PDF). The Online Guide to the Animals of Trinidad and Tobago. University of the West Indies.