Buy

Buy (ing. Buoy) — gəmi yolları, gəmiçilik üçün təhlükəli olan yerləri hüdudlamaq, suyun altındakı hər hansı bir əşyanın yerini işarələmək və s. üçün müəyyən forma və rəngdə üzən üzgəc.

Açıq dənizdə olan buy.

Buyda işıq, səs siqnalları, yaxud radiosiqnallar vermək üçün qurğu da ola bilər. Radiohid roakustik Buy (radiobuy) informasiyanı avtomatik toplayan və qəbuledici stansiyaya ötürən üzən vasitədir. İstiqamətlənmiş şüa antenalı radioötürücüdən ibarət olan radiobuy sualtı qayıqları aşkar etmək, okeanoqrafik və meteoroloji müşahidələr aparmaq, naviqasiya məqsədləri üçündür. Radiobuylarınilk nümunələri 1945-ci ildən sonra, raket-nüvə silahı ilə təchiz olunmuş atom sualtı qayıqlarının yaradılması ilə meydana gəlmişdir.

Radiobuyları təyyarələrdən, helikopterlərdən, qayıqəleyhinə gəmilərdən hərəsi bir neçə ədəd olan partiyalarla quraşdırmaqla baryer xətti və ya qapalı hüdud yaradılır. Radiobuylar passiv və aktiv istiqamətlənmiş və istiqamətlənməmiş növlərə ayrılır. Lövbərlərlə təchiz olunmuş Buylar sürüşmə olan yerlərdə bərkidilir, lövbər qurğuları olmayan Buylar isə dreyf edir. Buy fasiləsiz rejim də və ya verilmiş proqram üzrə işləyə bilir.

Buyun təyyarədən görünməsini asanlaş dırmaq üçün bəzi buylar radiolokasiya mayak-cavabvericisi və işıq siqnalı qurğusu ilə təchiz olunur. Sualtı qayığı aşkarlama məsafəsi buyun hidroakustik qurğusunun növündən, su mühitinin vəziyyətindən və sualtı qayığın xarakte ristikalarından asılıdır. Aşkarlama məsafəsi bir neçə yüz metrdən bir neçə kilometrə qədər olur.

Qalereya

• Buylar
• 
• 
• 
• 

Mənbə

• Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 134. ISBN 978-9952-441-10-9.