Cəmil Əhmədov

Əhmədov Cəmil Məhəmməd oğlu (1924, Cəbrayıl, Qaryagin qəzası – 2 sentyabr 1944) — Sovet İttifaqı Qəhrəmanı.

Cəmil Əhmədov
Cəmil Məhəmməd oğlu Əhmədov
Şəxsi məlumatlar
Doğum tarixi	1924
Doğum yeri	Cəbrayıl, Azərbaycan SSR
Vəfat tarixi	2 sentyabr 1944
Vəfat yeri	Polşa
Dəfn yeri	Varşavada Sovet döyüşçülərinə aid qəbiristanlıq
Vətəndaşlığı	SSRİ
Milliyyəti	azərbaycanlı
Atası	Məhəmməd Əhmədov
Hərbi fəaliyyəti
Mənsubiyyəti	Sovet Sosialist Respublikaları İttifaqı
Qoşun növü	Qızıl Ordu
Xidmət illəri	1941-1944
Rütbəsi	Leytenant
Döyüşlər	Böyük Vətən müharibəsi
Təltifləri

Həyatı

Cəbrayılın mərkəzində dünyaya göz açmış və 1942-ci ildə orduda xidmətə getmişdir. Hərbi məktəbdə təhsilini başa vuraraq leytenant rütbəsi aldıqdan sonra Belarusiyanın azad edilməsi üzrə döyüşlərdə fəal iştirak etmişdir.

Qvardiya leytenantı Cəmil Əhmədovun komandir olduğu bölmə 1944-cü ilin 25 iyulunda Tremlya çayını hamıdan əvvəl keçərək, suyun içində döyüş mövqeyini digər hissələrin gəlməsinə qədər əldə saxlamış və əməliyyatın qələbəsini təmin etdiyinə görə Sovet İttifaqı Qəhrəmanı adına təqdim edilmışdir.

Bundan iki ay sonra 1944-cü ilin 2 sentyabrında Polşa ərazisində həlak olmuş və Varşavada Sovet döyüşçülərinə aid qəbiristanlıq da dəfn edilmişdir. Sovet İttifaqı Qəhrəmanı fəxri adı isə ona 1945-ci ilin 24 martında verilmişdir.

Cəbrayılda məktəb və bir küçə onun adını daşıyır.

• Yazıçı Sabir Əhmədovun qardaşıdır.

Həmçinin bax

• Azərbaycanlı Sovet İttifaqı Qəhrəmanlarının siyahısı

Xarici keçidlər

• 9may.az Arxivləşdirilib 2010-05-01 at the Wayback Machine
• "Qarabağın görkəmli şəxsiyyətləri:Cəmil Əhmədov". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.
• Победа у нас в крови. Джамиль Ахмедов

Mənbə

• "Azərbaycan Respublikası Xatirə Kitabı" 3-cü cild, "Ə" hərfi. Bakı-2003. səh.269.