Cəmil Niftəliyev

Cəmil Niftəliyev
Cəmil Niftəliyev
	Cəmil Səmədxan oğlu Niftəliyev
	; Cəmil Niftəliyev
Şəxsi məlumatlar
Doğum tarixi	5 oktyabr 1968
Doğum yeri	Şəfəqli, Yardımlı,Azərbaycan Respublikası
Vəfat tarixi	29 mart 1992 (23 yaşında)
Vəfat yeri	Şelli, Ağdam rayonu.
Vəfat səbəbi	şəhid olmuşdur.
Dəfn yeri	Bakı şəhəri Şəhidlər xiyabanı
Hərbi fəaliyyəti
Döyüşlər	Birinci Qarabağ müharibəsi
Təltifləri

Cəmil Niftəliyev (5 oktyabr 1968, Yardımlı – 29 mart 1992, Şelli, Ağdam rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

5 oktyabr 1968-ci ildə Yardımlı rayonunun Şəfəqli kəndində anadan olmuşdur. 1975-ci ildə Bakının Lökbatan qəsəbəsinə köçmüşlər. Burada 233 saylı məktəbə getmişdir. 1986-cı il 11 oktyabr hərbi xidmətə çağırılmışdır. Özbəkistanda snayperlik kursunu bitirdikdən sonra Əfqanıstan müharibəsinə göndərilir. 1989-cu ildə ordudan tərxis edilir və Cəmil Vətənə dönərək Səbail rayonunda Yanğından Mühafizə İdarəsinə daxil olur.

Döyüşlərdə iştirakı

Vətənin dar günləri idi...Cəmil könüllü olaraq cəbhəyə göndərilməsini xahiş etdi və 10 mart 1992-ci il tarixdən onun döyüş yolu başladı. Cəmil peşəkar atıcı olduğu üçün erməni quldurlarını ağır itkilərə məruz qoyurdu. Ağdamda rəşadətlə vuruşan Vətən oğlu tezliklə cəbhədə hörmət qazanmışdı. 1992-ci il 29 mart Ağdamın Şelli kəndi uğrunda gedən döyüşlərdə qəhrəmancasına həlak oldu.

Ailəsi

Subay idi.

Milli Qəhrəman

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Niftəliyev Cəmil Səmədxan oğluna ölümündən sonra "Azərbaycanın Milli Qəhrəmanı" adı verilmişdir.

Bakı şəhərinin Şəhidlər xiyabanında dəfn edilib.

Qaradağ rayonundakı 233 saylı məktəb və Yanğından Mühafizə İdarəsinin yanğınsöndürən gəmisi qəhrəmanımızın adını daşıyır.

Həmçinin bax

Mənbə

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 231.

İstinadlar

Xarici keçidlər

Niftəliyev Cəmil
Cəmil Niftəliyev Arxivləşdirilib 2011-11-17 at the Wayback Machine