Cənubi Səhənd Antropologiya Muzeyi
Cənubi Səhənd Antropologiya Muzeyi (fars. موزه مردمشناسی جنوب سهند)- İranın Şərqi Azərbaycan ostanında, Bünab şəhərində keçmiş Mehrabad hamamının yerində fəaliyyət göstərən muzey. Bu tarixi abidə 1999-cu ildə İranın Mədəni İrs, Əl İşləri və Turizm Təşkilatı tərəfindən 2514 nömrəsi ilə milli abidələr siyahısında qeydə alınıb.[1]
| Cənubi Səhənd Antropologiya Muzeyi | |
|---|---|
| fars. موزه مردمشناسی جنوب سهند | |
 | |
| Şəhər | Bünab |
| Tikilmə tarixi | XVI əsr |
| Vəziyyəti | Muzey olaraq fəaliyyət göstərir |
Tarixi
redaktəBünab şəhərində yerləşən Mehrabad hamamı ən məşhur tarixi hamamlardan biridir.Binanı memarlıq üslubuna və İranda yerləşən digər tarixi hamamlarla müqayisəsinə görə Səfəvilər dövrünə aid etmək mümkündür. Bəzi tarixçilər hamamın Şah Təhmasib dövründə inşa edildiyini bildirirlər.
Hamam soyunub-geyinmə otağı, təmizlik otağı, yuyunma yeri, isitmə otağı və su anbarı bölmələrindən ibarətdir. Əsas soyunub-geyinmə otağında dörd tərəfində dörd kiçik günbəz və dörd tağ olan böyük günbəz və günbəzin altında böyük daş gölməçə var. Soyunub-geyinmə otağına daxil olan insanlar dar bir dəhlizdən keçirlər. Hamamın şərq tərəfində qübbəli damlı iki otaq var. Hamam otağından, dörd pilləkəndən və kiçik bir qapıdan keçdikdən sonra hamamın son bölməsi olan su anbarına daxil olursan. Su anbarının qarşısında soyuq su axan kiçik hovuzlar yerləşir. Hamamda istifadə olunan su anbarın yanındakı quyudan xüsusi borular vasitəsilə hamama yönəldilirdi. Bu borular gildən hazırlanıb və hamamın divarlarında gizlədilib.
Əsası Səfəvilər dövründə qoyulmuş Mehrabad hamamı 2003-cü ildən Cənubi Səhənd Antropologiya Muzeyi kimi fəaliyyət göstərir. Bu baxımdan muzey Bünab şəhərində turistlərin əsas ziyarət məkanlarında biridir. Cənubi Səhənd Antropologiya Muzeyi həm də Şərqi Azərbaycan vilayətində ilk antropologiya muzeyidir. Muzeydə qədim dövrlərdə istifadə olunmuş antropoloji əşyalar sərgilənir və qədim dövrlərin mədəni-tarixi xüsusiyyətləri ziyarətçilərin müşahidələrinə təqdim olunur.[2]
İstinadlar
redaktə- ↑ "news/حمام-مهرآباد-بناب-گنجینه-مردم-شناسی-جنوب-سهند". mehrnews.com (fars). 2023-03-25 tarixində arxivləşdirilib. İstifadə tarixi: 2023-04-03. (#redundant_parameters); (#redundant_parameters); (#redundant_parameters)
- ↑ "İranın Mədəni İrs, Əl İşləri və Turizm Təşkilatı/Milli abidələr siyahısı" (PDF). eachto.ir (fars). 2023-03-25 tarixində arxivləşdirilib (PDF). İstifadə tarixi: 2023-03-25. (#redundant_parameters); (#redundant_parameters); (#redundant_parameters)
Həmçinin bax
redaktəMənbə
redaktə- Mokhlesi, M. A. Doğu Azerbaycan’ın Tarihi Eserleri Listesi. Tehran: Kültürel Miras Örgütü. 1992.
- Ali NOROUZİ ALANJAGH. DOĞU AZERBAYCAN İLİNİN (İRAN) BÖLGESEL AÇIDAN TURİZM PLANLAMASI VE ANALİZİ. Erzurum. T.C. ATATÜRK ÜNİVERSİTESİ SOSYAL BİLİMLER ENSTİTÜSÜ COĞRAFYA ANABİLİM DALI. 2019.