Şir ürəkli (film, 1990)

Şir ürəkli (ing. Lionheart) — 1990-cı ildə rejissor Şeldon Lettiç tərəfindən döyüş filmi janrında çəkilən ABŞ filmidir. Filmin distribütori Universal Pictures kinokompaniyasıdır.

Şir ürəkli
ing. Lionheart
Janr	döyüş filmi
Rejissor	Şeldon Lettiç
Prodüser	Erik Karson
Ssenari müəllifləri	Jan-Klod Van Damm Şeldon Lettiç
Baş rollarda	Jan-Klod Van Damm Harrison Peyc Debora Rennard Brayan Tompson Liza Perikan Eşli Conson
Bəstəkar	Con Skot
Rəssam	Cozef A. Porro
İstehsalçı	Wrong Bet Productions Imperial Entertainment
Distribütor	InterCom[d], Netflix
İlk baxış tarixi	11 yanvar 1991
Müddət	105 dəqiqə
Büdcə	$6 milyon (qiymətləndirməylə)
Gəlir	$24,078,196
Ölkə	ABŞ
Dil	İngilis dili
İl	1990
Rəng	rəngli
IMDb	ID0100029

Məzmun

Lion Qotye (Jan-Klod Van Damm), Afrikanın Cibuti ərazisində yerləşən Fransız xarici legionunun 13-cü yarımbriqadasına məxsus əsgərlərdən biridir. Los-Ancelesdə yaşayan qardaşı qeyri-qanuni işlərlə məşğul olan zaman narkotik satıcıları tərəfindən döyülərək yandırılmış və xəstəxanada ağır şəraitdə yaşamağa davam edir. Günlərin birində qardaşı Fransuanın həyat yoldaşı Helen Lion üçün məktub göndərir. Lion qardaşını görmək üçün komandirindən icazə almaq istəyir. Lakin ona icazə verilmədiyindən, bölmədən fərarilik edir və yük daşıyan gəmi ilə qaçaq olaraq Nyu-York şəhərinə çatır. Lakin Los Ancelesə getmək üçün onun pula ehtiyacı vardır. Bu müddətdə küçələrdə və digər yerlərdə kiçik bəhslərlə döyüş hazırlayan Coşua ilə tanış olur. Lion burada keçirilən döyüşdə iştirak edir və döyüşü qələbə ilə sona yetirir. Bu döyüşdən sonra Coşua onu gizli olaraq keçirilən küçə döyüşlərinin əsas təşkilatçılarından biri olan Sintiya (Debora Rennard) ilə tanış edir. Bu görüşdən sonra Lion digər döyüşdə iştirak edir. Bu döyüşü qələbə ilə başa vuran Lion böyük həcmdə pul əldə edir və Coşua ilə birlikdə Los Anceles şəhərinə yollanmağa qərara alır.

Lion şəhərdə qardaşının yerləşdiyi xəstəxanaya gəlir. Burada qardaşının öldüyünü, ailəsinin isə bir çox xəstəxana xərci və borc içində olduğunu öyrənir. Lion Helen Qotye və qızı Nikola kömək etmək məqsədilə onlara pul verir. Helen həyat yoldaşının onun yolunu uzun müddət gözlədiyini bildirir. Bu səbəbdən Helen onu həyat yoldaşının ölümündə günahkarlandırır. Lion onlara pul vermək istəyən zaman Helen bundan imtina edir. Lion qardaşının ailəsinə kömək etmək üçün Coşuanın ona təklif etdiyi küçə döyüşlərində iştirak etməyə qərar verir. Bu döyüşlərin sayəsində Lion böyük həcmdə pullar qazanmağa başlayır. Lion qardaşının ailəsinə sığorta adı altında çoxlu pul göndərməyə başlayır.

Bu müddətdə legion birliyindən iki muzdlu işçi Lionu geri qaytarmaq üçün Los Ancelesə yollanmış və onu təqib etməyə başlamışlar. Bir müddət sonra onlarla mübarizə aparan zaman Lion qabırğasını əzir. Lion müxtəlif döyüşlər keçirir və döyüşlə qələbə ilə bitirir. Nəhayət, Lion Coşua ilə birlikdə qardaşının ailəsinə gedir və sığortanın özü tərəfindən göndərildiyini etiraf edir. Helen onu bu hərəkətini müsbət qarşılayır. Lionu geri qaytarmaq məqsədilə bura gəlmiş iki muzdlu işçi Sintiyanın görüşünə gəlirlər. Sintiya isə onlara artıq döyüşün planlaşdırdığını qeyd edir. Həmçinin, Sintiya Lionun Attilaya qalib gələ bilməyəcəyini bildirir. Onlar isə Sintiyadan döyüşdə iştirak edəcəklərini qeyd edirlər.

Lion Attila ilə keçiriləcək döyüşə hazırlaşır. Bu müddətdə Attila adlı döyüşçü Los Anceles şəhərinə gəlir və onu Sintiya adamları ilə birlikdə qarşılayır. Döyüş başlayan zaman Coşua Lionun qabırğasının zədə aldığını başa düşür və ona Attila üzrə qələbə qazanmasına inamı azalır. Döyüş başlanır və Attila müvəffəqiyyət əldə etməyə çalışır. Lakin döyüşün sonunda Lion qələbə qazanır. Legioner birliyindən gəlmiş muzdlu işçilər Lionu geri götürmək qərarına gəlirlər. Lakin sonda onlar Liona hörmət edərək, onun qardaşının ailəsində qalmasına icazə verirlər. Bu zaman Lion geri dönərək, Nikol, Helen və Coşua tərəfindən qarşılanır.

Rollarda

Ad	Rol
Jan-Klod Van Damm	Lion Qotye
Harrison Peyc	Coşua Eldric
Debora Rennard	Sintiya
Brayan Tompson	Rassel
Liza Perikan	Helen Qotye
Eşli Conson	Nikol Qotye
Mişel Kissi	Mustafa
Voyo Qorik	Hartoq
Abdel Kissi	Attila
Billi Blenks	afrikalı-legioner

Xarici keçidlər

• Şir ürəkli — Internet Movie Database saytında