Cahangir xan Xoyski

Xoyski Cahangir xan İskəndər xan oğlu (1849, Yelizavetpol, Tiflis quberniyası – 1920, Gəncə) — çar ordusunun general-mayoru.

Cahangir xan Xoyski
Doğum tarixi	1849
Doğum yeri	Yelizavetpol, Yelizavetpol qəzası, Tiflis quberniyası, Rusiya imperiyası
Vəfat tarixi	1920
Vəfat yeri	Gəncə, Gəncə qəzası
Uşağı	Əmiraslan xan Xoyski
Atası	İskəndər xan Xoyski
Fəaliyyəti	hərbi qulluqçu

Həyatı

Cahangir xan İskəndər xan oğlu Xoyski, Sankt-Peterburq Universitetinin hüquq fakültəsini qurtarıb. Titulyar müşavir. Nuxa məhkəməsində hüquq məsləhətçi, tərcüməçi vəzifəsində işləyib. 1907–1909-cu illərdə Gəncə şəhər Upravasında hüquq borosunda hüquq məsləhətçisi, 1908–1909-cu illərdə Gəncə şəhər Dumasının deputatı seçilmişdir.

Ailəsi

Cahangir xanın həyat yoldaşı Səltənətbəyim xanım olmuşdur. Onların dörd övladı vardı: Əmiraslan xan (1885–1952), Sarabəyim xanım (1888–1942), Sehranbəyim xanım (1892–1964), Teymur xan (1895-?). Cahangir xan 1920-ci ildə Gəncədə vəfat edib.

Həmçinin bax

• Xoyskilər