Camal Əhmədov (pedaqoq)

Camal Məhərrəm oğlu Əhmədov — Alim, pedaqoji elmləri doktoru, Professor, Ədəbiyyatın metodikası üzrə ilk pedaqoji elmlər namizədi, 1971-ci ildə müdafiə etdiyi dissertasiya işi Respublikada ədəbiyyatın tədrisi üzrə ilk doktorluq işidir.

Camal Əhmədov
Camal Məhərrəm oğlu Əhmədov
Doğum tarixi	1 yanvar 1928
Doğum yeri	Aşağı Əskipara, Qazax qəzası, Azərbaycan SSR, SSRİ
Vəfat tarixi	5 noyabr 1999 (71 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Elm sahəsi	pedaqogika
Elmi dərəcəsi	elmlər doktoru
Elmi adı	professor
Təhsili	Azərbaycan Dövlət Universiteti
Tanınır	Ədəbiyyatın metodikası üzrə ilk pedaqoji elmlər namizədi, müdafiə etdiyi dissertasiya işi Respublikada ədəbiyyatın tədrisi üzrə ilk doktorluq işidir.

Həyatı və elmi fəaliyyəti

Camal Əhmədov 1928-ci il yanvar ayının 1-də Qazax rayonunun Aşağı Əskipara kəndində anadan olmuşdur. 1945-ci ildə Şəmkir rayonunun Morul kənd məktəbini bitirmiş və Azərbaycan Dövlət Universitetinin (indiki BDU) filologiya fakültəsində ali təhsil almışdır.

1950-1952-ci illərdə Bakı məktəblərində müəllimlik etmişdir.

1952-ci ildə Azərbaycan Elmi Tədqiqat Pedaqogika İnstitutunda Ədəbiyyatın tədrisi metodikası ixtisası üzrə əyani aspiranturaya daxil olmuşdur.

Ədəbiyyatın metodikası üzrə ilk pedaqoji elmlər namizədidir. 1971-ci ildə müdafiə etdiyi dissertasiya işi Respublikada ədəbiyyatın tədrisi üzrə ilk doktorluq işidir. Ona professor elmi dərəcəsi verilmişdir.

Rəhbərliyi ilə onlarla elmlər namizədi və elmlər doktoru yetişmişdir .

35 ildən çox Azərbaycan Dövlət Universitetinin professoru olmuşdur.

Bir sıra dövlət və hökumət mükafatları vardır.

1999-cu il noyabr ayının 5-də Bakıda vəfat etmişdir.

Mənbə

• Salatın Əhmədli, Rövşən Babanlı. "Qazax mahalının alimləri" (ensiklopedik məlumat). "Günəş" nəşriyyatı. Bakı. 2017. 512 səh.