Cavanşir Həsənov

Cavanşir Həsənov (tam adı: Cavanşir Cavad oğlu Həsənov, 8 noyabr 1973, Cəlilabad rayonu Hasıllı kəndi) — Azərbaycanlı riyaziyyatçı, riyaziyyat elmləri doktoru (2019), professor (2020).

Cavanşir Həsənov
Doğum tarixi	8 noyabr 1973
Doğum yeri	Cəlilabad rayonu Hasıllı kəndi
Vətəndaşlığı	Azərbaycanlı
Milliyyəti	Azərbaycanlı
Uşağı	Üç övlad
Elm sahəsi	Riyaziyyat
Elmi dərəcəsi	Riyaziyyat elmlər doktoru
Elmi adı	Professor
İş yerləri	Azərbaycan Dövlət Neft və Sənaye Universiteti
Təhsili	Ali

Həyatı

Həsənov Cavanşir Cavad oğlu 8 noyabr 1973-cü ildə Cəlilabad rayonunun Hasıllı kəndində doğulub. 1991–1996-cı illərdə Bakı Dövlət Universitetinin (BDU) mexanika-riyaziyyat fakültəsinin tələbəsi, 1999-cu ildə 01.01.01 — riyazi analiz ixtisası üzrə namizədlik dissertasiyasını müdafiə edərək fizika-riyaziyyat elmləri namizədi alimlik dərəcəsi, 2009-cu ildə isə dosent elmi adı, 2018-ci ildə 1202.01-"Analiz və funksional analiz" ixtisası üzrə elmler doktorluq dissertasiyasını müdafiə edərək 2019-cu ildə riyaziyyat elmləri doktoru alimlik dərəcəsi almışdır. 2000-ci ildən AMEA RMİ-nin "Riyazi analiz" şöbəsində böyük elmi işçi vəzifəsində, 2011-ci ildən isə həmin şöbədə aparıcı elmi işçi vəzifəsində işləyib. 2016–2020-ci illərdə Azərbaycan Dövlət Neft və Sənaye Universitetinin "Ümumi və tətbiqi riyaziyyat" kafedrasında dosent, 2020-ci ildən hal hazıra qədər həmin kafedrada professor vəzifəsində işləyir.

Təhsili

1991–1996-cı illərdə Bakı Dövlət Universitetinin (BDU), "Mexanika-riyaziyyat" fakültəsi, bakalavr.

1997–1999-cu illərdə Azərbaycan Dövlət Pedaqoji Universiteti (ADPU), "Riyaziyyat" fakültəsi, aspirant.

Elmi dərəcələri, elmi adları

1999-cu il — Bakı Dövlət Universiteti, Fizika-riyaziyyat elmləri namizədi (01.01.01–Riyazi analiz)

Dissertasiyanın adı: "Anizotrop B-Riss potensialı və onun tətbiqləri"

2018-ci il- AMEA Riyaziyyat və Mexanika İnstitutunun, riyaziyyat elmləri doktoru (1202.01 — Analiz və funksional analiz)

Dissertasiyanın adı: "Çoxölçülü harmonik analizin və B-harmonik analizin inteqral operatorlarının ümumiləşmiş Morri fəzalarında məhdudluğu və onların bəzi tətbiqləri"

Əmək fəaliyyəti

1. 2000–2011-ci illərdə böyük elmi işçi, AMEA-nın Riyaziyyat və Mexanika İnstitutunda
2. 2011–2016-cı illərdə aparıcı elmi işçi, AMEA-nın Riyaziyyat və Mexanika İnstitutunda
3. 2016–2020-ci illərdə Azərbaycan Dövlət Neft və Sənaye Universitetinin "Ümumi və tətbiqi riyaziyyat" kafedrasında dosent,
4. 2008-ci ildən indiyə kimi Azərbaycan Dövlət Neft və Sənaye Universitetinin "Ümumi və tətbiqi riyaziyyat" kafedrasında professor.

İctimai fəaliyyəti

"Transaction Issue mathematics and mechanics Series of physical-technical and mathematics science Azerbaijan National Academy of Science" jurnalının redaksiya heyətinin üzvü

• "Journal of Contemporary Applied Mathematics" jurnalının redaksiya üzvü

• "Baku Mathematical Journal" jurnalının redaksiya üzvü.

Elmi maraq dairələri

• Abstrakt Harmonik analiz

• Funksional fəzalar

• Potensial nəzəriyyəsi

• Operator nəzəriyyəsi

• Diferensial tənliklər

Əsas elmi nəticələri

[redaktə | mənbəni redaktə et] • Harmonik analizin inteqral operatorlarının bəzi funksional fəzalarda məhdudluğu və alınmış nəticələrin diferensial tənliklərə tətbiqi.

•Dəyişən dərəcəli çəkili və çəkisiz funksional fəzalarda inteqral operatorların xassələrinin tədqiqi.

•Çoxdəyişənli Hardi operatorun Orliç-Morri fəzasında məhdudluğu və tətbiqi (A.Kufner problemi).

• Çəkili funksional fəzalarda harmonik analizin inteqral operatorları üçün iki-çəkili bərabərsizliklər.

Riyaziyyat üzrə elmi jurnalların redaksiya heyətlərində üzvlük

• "Transaction Issue mathematics and mechanics Series of physical-technical and mathematics science Azerbaijan National Academy of Science" jurnalının redaksiya heyətinin üzvü

• "Journal of Contemporary Applied Mathematics" jurnalının redaksiya üzvü

• "Baku Mathematical Journal" jurnalının redaksiya üzvü.

Elmi əsərləri

• 60-dan çox məqalənin və bir dərs vəsaiti, bir monoqrafiyanın müəllifi

Mükafatları

2003-cü və 2007-ci illərdə AMEA-nın müxbir üzvü, prof. V. S. Quliyevin və prof. Zhijian Wu-nun rəhbərliyi ilə Azərbaycan-Amerika ikitərəfli Qrant Proqramı çərçivəsində (Award from Azerbaijan — U. S. Bilateral Grants Program Competition U. S. Civilian Research & Development Foundation) qalib olmuş "Holomorphic and harmonic function spaces, their boundary values and operator theory" və "Potentials and Carleson measures on Besov-Morrey type spaces" adlı layihələrin icraçısı olmuşdur.

2008–2009-cu illərdə C. C. Həsənov İNTAS-ın keçirdiyi gənc alimlərə dəstək proqramında (INTAS Proposal For Young Scientist Fellowship) layihənin qalibi olmuşdur.

2010-cu ildə AMEA Riyaziyyat və Mexanika İnstitutunda akademik A. C. Hacıyevin rəhbərlik etdiyi Riyazi Analiz qrupu tərkibində Azərbaycan Respublikası Prezidenti yanında Elmin İnkişafı Fondunun 1-ci qrant müsabiqəsinin qalibi olmuşdur (EIF-2010–1(1)-40/06–1) və 2011–2013-cü illərdə bu layihə çərçivəsində icraçı qismində tədqiqat işlərini müvəffəqiyyətlə aparmışdır.

2013-cü ildə AMEA Riyaziyyat və Mexanika İnstitutunda AMEA-nın müxbir üzvü, prof. V. S. Quliyevin rəhbərlik etdiyi Riyazi Analiz qrupu tərkibində Azərbaycan Respublikası Prezidenti yanında Elmin İnkişafı Fondunun 1-ci qrant müsabiqəsinin qalibi olmuşdur (EIF-2010–1(1)-40/06–1) və 2015–2016-cı illərdə bu layihə çərçivəsində tədqiqat işlərini müvəffəqiyyətlə aparmışdır.

2015-ci ildə AMEA-nın müxbir üzvü, prof. V. S. Quliyevin rəhbərlik etdiyi "Lokal Morri tipli fəzalarda harmonik analizin müasir problemləri və tətbiqləri" adlı qalib olmuş layihə (01.03.2015–01.03.2017) çərçivəsində icraçı qismində tədqiqat işlərini müvəffəqiyyətlə aparmışdır.

2021–2024-cü illərdə TUBİTAK layihəsi ilə Ankara Universitetinə dəvət edilmiş və orda elmi tədqiqat işləri aparmışdır.

İstinadlar

1. https://scholar.google.com/citations?hl=en&user=oxonSxsAAAAJ

Ədəbiyyat

[redaktə | mənbəni redaktə et]

• https://az.h-index.com/az/author/24341144100

Xarici keçidlər

[redaktə | mənbəni redaktə et]

• https://orcid.org/0000-0002-3518-348X