Çimcilban
Cimcilbanq — ənənəvi Koreya saunası. Qaynar və quru olub ənənəvi olaraq şam ağacının da istifadə edildiyi və daşdan hazırlanan dairəvi günbəz formalı buxar sobasının qızdırıldığı saunaya deyilir. Bu, təxminən 50~90 dərəcə arasında olan aşağı temperaturlu saunanın əsas götürüldüyü sağlamlıq müəssisəsidir. Əsasən Cənubi Koreyanın böyük şəhərlərində daha çox rast gəlmək olur və hazırda dünyanın müxtəlif ölkələrində geniş yayılmaqdadır. Əksəriyyəti 24 saat açıq olduğu üçün hətta bəzən qonaqlama yeri olaraq da istifadə olunur. Yaşından, cimcilbanqın yerindən asılı olaraq ödəniş məbləği dəyişir. Gecə günorta saatlarına nisbətən adətən ödəniş daha yüksək olur. Münasib qiymətə qonaqlamaq mümkün olduğu üçün səyahət edən insanlar çox istifadə edirlər və nadir hallarda bir neçə həftə və ya bir neçə ay olaraq uzunmüddətli qonaqlamaq olur.
Tarixi redaktə
Cimcilbanqın yorğunluqlarını canlarından çıxarmaq məqsədilə kömür işçiləri üçün yaradıldığına dair fərziyələr də var. İlk dəfə 1994-cü ildə cimcil + banq (otaq deməkdir) birləşməsi kimi istifadə edilmiş, 1995-ci ildən isə bu sözün istifadəsi geniş vüsət almışdır.
Geyim redaktə
Ümumiyyətlə, cimcilbanqda icarəyə geyim olaraq qısaqol köynək və şort verirlər. Lakin cimcilbanqda işləyənlər orada qalan insanlardan fərqli olaraq o tərzdə deyil, cimcilbanqın adının əks olunduğu geyimdə olurlar. Kisəçilər adi günlərdə iş geyimində olsalar da, işləyərkən tumanda olurlar.
Təchizat redaktə
Cimcilbanqda sauna (buxar otağı), hamamdan əlavə, yerləşdiyi yerdən asılı olaraq PC otağı, yataq otağı, əyləncə otağı, film otağı, boulinq salonu, restoran, bufet, sağlamlıq klubu, karaoke otağı və masaj salonu ola bilir. Restoranlarda əsasən Koreya yeməkləri və qəlyanaltılar satılır. İctimai hamam kişilər və qadınlar üçün ayrıdır, koreyasayağı quru sauna, yaxud mərkəzi dəhlizdən isə kişi və qadınlar birlikdə istifadə edirlər. Ancaq yatmaq üçün nəzərdə tutulan yerlər əksər hallarda kişilər və qadınlar üçün ayrı olur. Yatmaq üçün nəzərdə tutulan yerlər adətən hər kəsin ictimai olaraq istifadə edə biləcəyi məkanlar və ya fərdi arakəsmələrdən ibarət olur, əksər hallarda döşəməyə sərilən döşək və ya yorğan, dəsmal, yastıq və s.lə təchiz olunur. Yastıqlar adətən sərt ağacdan və ya yumşaq dəridən hazırlanır. Parçadan hazırlanan yastıqlara isə nadir hallarda rast gəlinir.
Gigiyena redaktə
Bir çox cimcilbanqlarda müştərilərin az olduğu günorta radələrində təmizlik edilir, paltarlar yuyulur. Əksəriyyəti 24 saat işlədiyi üçün saunada suyun keyfiyyəti, havalandırma və yüksək rütubət səbəbi ilə mikrobların yayılma ehtimalı və bir paltarı bir çox insanların geyinməsi kimi gigiyena problemləri də gündəmə gəlir.
Evakuasiya yardımında rolu redaktə
2010-cu ildə Yeonpyeong adasının bombardman edilməsindən sonra bu adanın çox saylı sakinləri İnçonda yerləşən müxtəlif cimcilbanqlarda müvəqqəti olaraq qalmışdır.[1]
