Con Lundvik (ing. John Lundvik; d. 27 yanvar 1983, London, İngiltərə) — İsveç müğənnisi, bəstəkar və keçmiş qısa məsafə qaçışçısı. O, IFK Vekşö atletika komandasının üzvü olmuşdur. Peşəkar müğənni və bəstəkar olan Lundvik müxtəlif filmlər üçün mahnılar bəstələmişdir. İsveç şahzadəsi Viktoriya və Daniyel Vestlinqin toy mərasimində məhz onun bəstələdiyi mahnı səsləndirilmişdir.

Con Lundvik
ing. John Lundvik
Con Lundvik 2019-cu ildə
Con Lundvik 2019-cu ildə
Ümumi məlumatlar
Doğum adı Con Hassim Lundvik
ing. John Hassim Lundvik
Doğum tarixi (41 yaş)
Doğum yeri London, İngiltərə
Vətəndaşlığı  İsveç
 Böyük Britaniya
Musiqiçi məlumatları
Fəaliyyəti müğənni, bəstəkar, qısa məsafə qaçışçısı
Fəaliyyət illəri 2010–h.h.
Janr
Musiqi aləti vokal
johnlundvik.se
Vikianbarın loqosu Vikianbarda əlaqəli mediafayllar

2018-ci ildə o, "My Turn" mahnısı ilə İsveçin nüfuzlu Melodifestivalen mahnı yarışmasında iştirak etmiş və üçüncü yerdə qərarlaşmışdır. 2019-cu ildə Con "Too Late for Love" mahnısı ilə Melodifestivalendə qələbə qazanaraq İsveçi İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmək hüququnu əldə etmişdir.[1]

Həyatı redaktə

Con Lundvik 27 yanvar 1983-cü ildə Londonda anadan olmuş və bir həftəlik ikən isveçli ailə tərəfindən övladlığa götürülmüşdür. O, altı yaşınadək İngiltərədə yaşamış və daha sonra isə onu böyüdən ailəsi ilə birlikdə İsveçin Vekşö şəhərinə köçmüşdür. Lundvik indiyədək heç vaxt öz bioloji valideynləri ilə görüşməmişdir.[2]

Musiqi karyerası redaktə

Lundvik peşəkar musiqi karyerasına 2010-cu ildə İsveç şahzadəsi Viktoriya və Daniyel Vestlinqin toy mərasimi üçün bəstələdiyi "When You Tell the World You're Mine" mahnısı ilə başlamışdır. O, daha sonra Sanna Nilsen, Anton Euald və İsak Eliot kimi isveçli ifaçılar üçün mahnılar yazmışdır. Lundvik eyni zamanda İsveç filmi "Asan pul" və "İmperiya" teleserialı üçün musiqilər bəstələmişdir.

O 2016-cı ildə Allsång på Skansen festivalında iştirak etmiş və Lill Lindfors ilə duet ifa etmişdir. Con 2018-ci ildə "My Turn" mahnısı ilə İsveçin ən böyük musiqi festivalı olan Melodifestivalendə iştirak etmiş və üçüncü yerdə qərarlaşmışdır. 2019-cu ildə yenidən festivala qatılan Con ifa etdiyi "Too Late for Love" mahnısı ilə qələbə qazanaraq İsveçi Tel-Əvivdə keçirilən Avroviziya 2019-da təmsil etmək hüququnu əldə etmişdir. Bununla yanaşı Böyük Britaniya təmsilçisi Maykl Rays Lundvikin bəstələdiyi "Bigger than Us" mahnısı ilə Britaniyanı müsabiqədə təmsil etmişdir. Con Avroviziya 2019-da 334 xal toplayaraq, 5-ci yeri qazanmışdır.

Diskoqrafiya redaktə

Sinqllar redaktə

Mahnı adı İl
"Friday Saturday Sunday" 2015
"Love Your Body" 2016
"All About the Games"
"With You" 2017
"My Turn" 2018
"Too Late for Love" 2019

İstinadlar redaktə

  1. "John Lundvik wins Melodifestivalen 2019". 9 mart 2019. 2019-03-29 tarixində arxivləşdirilib. İstifadə tarixi: 9 mart 2019.
  2. "John Lundvik blev bortadopterad: "Som ett tomt ark"". Allas.se. 22 fevral 2019. 2019-03-02 tarixində arxivləşdirilib. İstifadə tarixi: 1 mart 2019.
Əvvəlki:
Benyamin İnqrosso
"Dance You Off"
İsveç Avroviziya Mahnı Müsabiqəsində
 

2019
Sonrakı:

Xarici keçidlər redaktə