Əsas menyunu aç

Con Ronald Ruel Tolkin (ing. John Ronald Reuel Tolkien; d. 3 yanvar 1892 – ö. 2 sentyabr 1973) — ingilis yazıçısı, linqvisti və filoloqu, "Hobbit və ya oraya və geriyə" povestinin, "Üzüklərin hökmdarı" trilogiyasının və "Silmarillion" romanının müəllifi kimi məşhurdur.

Con Tolkin
brit. ing. J. R. R. Tolkien
Tolkien 1916.jpg
Tolkin (1916)
Doğum tarixi 3 yanvar 1892(1892-01-03)
Doğum yeri Blumfonteyn, Oranj Azad Dövləti (indiki CAR ərazisi)
Vəfat tarixi 2 sentyabr 1973 (81 yaşında)
Vəfat yeri Bornmut, İngiltərə, Böyük Britaniya
Vəfat səbəbi ağciyər iltihabı
Dəfn yeri
Vətəndaşlığı Böyük Britaniya Böyük Britaniya
Milliyyəti İngilis
Həyat yoldaşı Edit Bratt (1916-1971)
Təhsili
Fəaliyyəti Yazıçı, linqvist, filoloq, şair
Fəaliyyət illəri 1937
Əsərlərinin dili ingiliscə[1], latınca
İstiqamət Fentezi, tərcümə, tənqid
Janr Fantaziya, Uşaq ədəbiyyatı, tərcümə, ədəbiyyatşünaslıq, poeziya, nəsr
İlk əsəri "Hobbit və ya oraya və geriyə"
Tanınmış əsərləri
İmza
tolkienestate.com
Commons-logo.svg Vikianbarda əlaqəli mediafayllar

Tolkin 1925-1945-ci illərdə Oksfordda yerləşən Pembrok Kollecində ingilis və anqlosakson dilləri üzrə, 1945-1959-cu illərdə isə ingilis dili və ədəbiyyatı üzrə professor dərəcəsində işləmişdir. Digər məşhur ingilis yazıçısı Klayv Lyuislə birlikdə "İnklinqlər" ədəbi cəmiyyətinin üzvü olmuşdur. 28 mart 1972-ci ildə kraliça II Elizabet tərəfindən ona Britaniya İmperiyası ordeninin komandoru dərəcəsi verilmişdir.

Tolkinin vəfatından sonra, oğlu Kristofer atasının qeydləri və əlyazmaları əsasında bir neçə əsər, o cümlədən "Silmarillion"u nəşr etdirdi. Bu kitab, "Hobbit" və "Üzüklərin hökmdarı" ilə birlikdə Arda adlı xəyali dünya və onun bir hissəsi olan Orta dünya haqqında nağıllar, şeirlər, hekayələr, süni dillər və ədəbi esselərin toplusunu təşkil edir. 1951-1955-ci illərdə Tolkin bu toplunun böyük hissəsini adlandırmaq üçün "legendarium" (ing. Legendarium) ifadəsini istifadə etmişdi.

İlk kitabı olan "Hobbit"i 1937-ci ildə nəşr etdirir. Bir çox digər məşhur nağıl əsərlər kimi, "Hobbit"i də Con Tolkin uşaqları kiçik olanda onlar üçün qoşurdu. Yeni nağılı onların o qədər xoşuna gəlmişdi ki, o hətta öz uşaqları ilə bir yerdə öz uydurduqları dünyanın şəkillərini, xəritəsini də çəkirdi. Lakin, hekayə yarımçıq qaldı, və Tolkien sadəcə əlyazmasının bir nüsxəsini maşinkada çap etmişdi. Həmin nüsxəni o, hərdən dostlarına oxuması üçün verirdi. Tolkienin tələbələrindən biri bir gün Allen & Unwin nəşriyyat evinin redaktoru Süzanna Daqnellə danışarkən, kitabın möhtəşəmliyindən ona danışır. Süzen öz növbəsində kitabı oxuyur və müəllifə məktubla müraciət edir ki, o, əsərin süjetini yekunlaşdırsın. Lakin, nəşriyyat evinin direktoru Stenli Anuin kitabın uğur qazanacağına o qədər də əmin deyildi. Odur ki, kitabı oxuması üçün on yaşlı oğluna verir, kitabı oxuyub qurtardıqdan sonra isə onda fikirlərini öyrənir. O isə, yaşıdlarının kitabı mütləq bəyənəcəyini deyir.

Xarici keçidlərRedaktə

Xarici keçidlərRedaktə

Vikianbarda Con Tolkin ilə əlaqəli mediafayllar var.

  1. BnF identifikatoru: açıq data platforma — 2011.