Conatan Haydt

Conatan Devid Haydt (ing. Jonathan David Haidt, 19 oktyabr 1963, Nyu-York, Nyu-York ştatı) — amerikalı sosial psixoloq. Əxlaq və əxlaqi duyğular üzrə ixtisaslaşmışdır. Haydt iki kitabın müəllifidir: Xoşbəxtlik hipotezi: Qədim müdriklikdə müasir həqiqəti tapmaq (2004) və “Saleh ağıl: Yaxşı insanlar niyə siyasətə və dinə görə bölünür” (2006). Bu kitab The New York Times bestsellerinə çevrilmişdir. Prospect jurnalı onu qlobal mütəfəkkirlər siyahısına daxil etmişdir. O, TED konfranslarında üç dəfə çıxış etmişdir.

Conatan Haydt
ing. Jonathan David Haidt
Doğum tarixi	19 oktyabr 1963(1963-10-19) (61 yaş)
Doğum yeri	Nyu-York, Nyu-York ştatı, ABŞ
Elm sahələri	psixologiya, Sosial psixologiya
Elmi dərəcəsi	doktorluq dərəcəsi[d]
İş yerləri	Virciniya Universiteti[d] (1995–2011), Nyu-York Universiteti (2011–)
Təhsili	Yel Universiteti (–1985), Pensilvaniya Universiteti (–1992)
Üzvlüyü	Amerika İncəsənət və Elmlər Akademiyası
jonathanhaidt.com
Vikianbarda əlaqəli mediafayllar

Bioqrafiya

Haydt Nyu-Yorkda anadan olmuş və Skarsdeyldə böyümüşdür. 1985-ci ildə Yel Universitetində fəlsəfə üzrə bakalavr dərəcəsini və 1992-ci ildə Pensilvaniya Universitetində doktorluq dərəcəsini almışdır. Daha sonra Çikaqo Universitetində mədəni psixologiya üzrə təhsil almışdır. Doktoranturadan sonrakı təyinatı zamanı Hindistanın Orissa şəhərində üç aylıq tədqiqat üçün Fulbrayt qrantı qazanmışdır. 1995-ci ildə Virciniya Universitetində dosent vəzifəsini almış və 2011-ci ilə qədər burada çalışmışdır.

1999-cu ildə Haydt müsbət mənəvi emosiyaların tədqiqi olan Pozitiv psixologiya sahəsi ilə məşğul olur. Bu tədqiqatlar 2003-cü ildə Florişinqin, daha sonra isə 2006-cı ildə Xoşbəxtlik hipotezinin (ing. The Happiness Hypothesis) nəşrinə səbəb olmuşdur. 2004-cü ildə o, əxlaqi psixologiyanı siyasətin öyrənilməsinə tətbiq etməyə başlamış, ideologiyanın psixoloji əsasları ilə bağlı tədqiqatlar aparmışdır. Bu iş 2012-ci ildə Saleh ağılın (ing. The Righteous Mind) nəşrinə səbəb olmuşdur.