Convair X-6
Convair X-6 — sxem stolundan kənara çıxa bilməyən nüvə enerjisi ilə işləyən bir sınaq təyyarəsidir.
| Convair X-6 | |
|---|---|
 | |
| İstehsalçı | Convair |
| İstismarçılar | |
| Buraxılış sayı | 0 |
ABŞ Hərbi Hava Qüvvələri tərəfindən 1946-cı ilin mayında nüvə enerjisi ilə işləyən bir təyyarə hazırlamaq proqramına (Nuclear Energy for the Propulsion of Aircraft (Təyyarənin Sürətlənməsi üçün Nüvə Enerjisi) — NEPA) start verildi. Bu proqram altında işlər davam etdirilərkən, bu proqram 1951-ci ilin may ayında başqa bir proqram ilə (Aircraft Nuclear Propulsion (Nüvə enerjisi ilə təyyarə sürətlənməsi) (ANP)) əvəz edildi. ANP proqramı Convair tərəfindən dəyişdirilmiş MX-1589 layihəsi çərçivəsində iki B-36-nın işlənməsini əhatə etmişdir. Bu iki təyyarədən biri uçan reaktorun radiasiya qalxanlarında tədqiqat üçün istifadə ediləcək, digəri isə X-6 layihəsi olacaqdı.
Nüvə Test Təyyarəsi (Nuclear Test Aircraft — NTA) adlanan ilk dəyişdirilmiş B-36, 1952-ci il sentyabrın 1-də Carswell Hərbi Hava Qüvvələri bazasını vuran tornadoda zədələnmiş B-36H-20-CF (Seriya nömrəsi 51–5712) modeli idi. Bu təyyarənin adı əvvəlcə XB-36H, sonra NB-36H olaraq dəyişdirildi və 1000 kilovattlıq hava soyuduculu nüvə reaktoru aparmaq üçün modifikasiya edilmişdir. Bu təyyarənin əsas məqsədi bir nüvə reaktorunun təyyarə sistemlərinə təsirini görmək idi. NB-36H 1955 ilə 1957 arasında 47 sınaq uçuşu etdi. NB-36H sınaqlarının nəticələrinə əsasən X-6 və bütün nüvə təyyarəsi proqramlarına xitam verildi.
1960-cı illərdə Sovet İttifaqındakı Tupolev dizayn bürosu əməliyyat reaktoru aparmaq üçün dəyişdirilmiş Tu-95 olan Tupolev Tu-119 ilə oxşar sınaqlar həyata keçirmişdir.
