Cuhudlar məhəlləsi




GƏNCƏ
Həsənli qardaşları küçəsi
Cuhudlar məhəlləsi

Cuhudlar məhəlləsiGəncənin tarixi məhəllələrindən biri. Sakinləri əsasən yəhudilərdən ibarət olduğu üçün Cuhudlar məhəlləsi adlanıb. Sovet hakimiyyəti dövründə bu küçə Krivanosov küçəsi müstəqillikdən sonra isə Həsənli qardaşları küçəsi adlanır. [1]

HaqqındaRedaktə

Qədim Gəncənin Cuhudlar məhəlləsi Əttarlar məhəlləsi yaxınlığında bir basalaq olub. Sakinləri yəhudilərdən ibarət olduğu üçün bu ərazini gəncəlilər “Cuhudlar məhəlləsi” adlandırıb. Burada yaşayan yəhudilər əsasən ayaqqabı tikməklə məşğul olduqları üçün buranı bəzən “Məstçilər məhəlləsi” də adlandırırdılar. Məhəllə kiçik bir küçədən ibarətdir. Sovet hakimiyyəti dövründə bu küçə Krivanosov bu gün isə “Həsənli qardaşları” adlanır. Məhəllə şərqdən Əttarlar, qərbdən Mirəli Qaşqay, şimaldan Həsən Əliyev, cənubdan Cavad xan küçələri ilə əhatə olunub. [1]

Məhəllədə yaşayan yəhudilər RusiyaAvropadan köçüb gələn yəhudilərdən dil və görkəmcə fərqlənirdilər. Yerli yəhudilər “dağ cuhudları” adlanırdı. Rus imperiyası Gəncəni işğal etdikdən sonra bura Rusiyadan, Ukraynadan, Polşadan və başqa Avropa ölkələrindən də yəhudi ailələri köçdü. Gəlmə yəhudilər dağ yəhudilərindən fərqli olaraq Gəncədə “Rus Cuhudu” adı ilə tanınırdılar. Rus cuhudları öz aralarında alman dilinin kobud ləhcəsində, yerli xalqla isə rus dilində danışırdılar.[1]

Gəncə yəhudisi Karl Habeylandın Cuhudlar məhəlləsində limonad sexi olub. Digər sakin Laron Pinelman isə tacir olub onun evi bu gün Gəncə Qaz İstismarı İdarəsidir.[2] Hazırda məhəllədə yəhudi ailələrinə məxsus evlər olsada onlardan heç kim yaşamır. Gəncə çayının sağ sahilində, “Qırmızı Kənd” adlanan yaşayış məskənində yəhudilərin qəbristanlığı da var.[1]

Həmçinin baxRedaktə

İstinadlarRedaktə

  1. 1 2 3 4 Hamlet Allahverdiyev (14 aprel 2019). "Gəncənin Cuhudlar məhəlləsi - TARİX". gancapost.info. 10 dekabr 2019 tarixində arxivləşdirilib. İstifadə tarixi: 10 dekabr 2019.
  2. "Gəncə şəhər Qaz İstismar Sahəsi". ganja.az. 10 dekabr 2019 tarixində arxivləşdirilib. İstifadə tarixi: 10 dekabr 2019.