Dörd Dağ adaları
Dörd Dağ adaları (ing. Islands of Four Mountains Islands) — Aleut arxipelaqında yerləşən bir qrup ada. Dəniz yolları ilə həmsərhəddir və qərbdə Amukta boğazı ilə Andreyanov adaları, həmçinin şərqdə Samalqa boğazı ilə Foks adaları arasında yerləşir. İnzibati cəhətdən adalar Amerikanın Alyaska ştatına aiddir.
| Dörd Dağ adaları | |
|---|---|
| ing. Islands of Four Mountains | |
 | |
| Ümumi məlumatlar | |
| Ümumi sahəsi | 545,596 km² |
| Əhalisi | 0 nəfər (2012-ci il) |
| Yerləşməsi | |
| 52°37′ şm. e. 170°41′ q. u.HGYO | |
| Ölkə |
 ABŞ |
| Akvatoriya | |
|
|
|
|
|
|
 Vikianbarda əlaqəli mediafayllar | |
Coğrafiya
redaktəBütün zəncirin uzunluğu 130 km, maksimum eni isə 35 km-dir. Buraya qərbdən şərqə zəncirlə uzanan bir sıra adalar daxildir: Amukta adası, Çaqulak, Yunaska, Herbert, Karlayl, Çuqinadak, Uliaqa və Kaqamil adaları. Onlardan ən böyüyü Yunaska (173,1 km²) və Çuqinadakdır (166 km²). Sonuncu əsasən aktiv Klivlend vulkanını təşkil edir[1].
Bütün adalar qrupunun sahəsi 545.596 km²-dir və daimi əhalisi yoxdur[2].
Tarix
redaktəBu adaların adını XIX əsrin birinci yarısında rus səyyahları adalardan dördünün aktiv vulkanlarına malik olduğuna görə vermişlər: Klivlend, Karlayl, Kaqamil və Herbert.
Bu adalarda 5000 il məskunlaşan aleutlar onlara Uniqan adını vermişlər. Bu da "küləklərin evi" mənasını verir, çünki burada tufanlar nadir deyil. Aleutlar bu adalara və xüsusən də Kaqamil adasına öz ata-baba yurdu kimi hörmətlə yanaşırlar. Burada ölülərini dəfn edir və mumiyalayırdılar ki, bu da bu yerin mənəvi əhəmiyyətindən xəbər verir.
Müasir adla qarışıqlıq o dövrün müxtəlif xəritələrin, sxemlərinin çoxluğu və natamamlığı səbəbindən baş vermiş ola bilər. Mövcud adlar 1894-cü ildə USS Concord (PG-3) rus gəmisinin sahə heyəti tərəfindən toplanmışdır. 1895-ci ildə ABŞ Hərbi Dəniz Qüvvələrinin Hidroqrafik Bölməsi tərəfindən nəşr edilmişdir. Bu adalardan birincisi Aleut saat qurşağına aiddir və onun vaxtı Alyaskanın vaxtından 1 saat geri qalır.
İstinadlar
redaktə- ↑ "Astronomy Picture of the Day: «22 June 2010»". 25 June 2010 tarixində arxivləşdirilib. İstifadə tarixi: 24 November 2021.
- ↑ Islands of Four Mountains: Blocks 1080 thru 1082, Census Tract 1, Aleutians West Census Area, Alaska Arxivləşdirilib 2020-02-11 at Archive.today United States Census Bureau