Dövlət Ehtiyatları Agentliyi (Azərbaycan)
Azərbaycan Respublikası Dövlət Ehtiyatları Agentliyi - Azərbaycan Respublikasının Dövlət Ehtiyatları Agentliyi (ADEA) Azərbaycan Respublikası Prezidentinin 2021-ci il 7 oktyabr tarixli Fərmanı ilə yaradılıb. ADEA-nın İdarə Heyətinin sədri Səbuhi Sadıqov, İdarə Heyəti sədrinin müavinləri Zaur Abişev və Zaur Ələkbərovdur.
| Azərbaycan Respublikası Dövlət Ehtiyatları Agentliyi | |
|---|---|
 | |
| Ümumi məlumatlar | |
| Ölkə |
 Azərbaycan |
| Yaradılma tarixi |
29 dekabr 2006-cı il (FHN DMEA) 7 oktyabr 2021 (ARDEA) |
| Tabelik |
Fövqəladə Hallar Nazirliyi (Azərbaycan) (29.12.2006–7.10.2021) Azərbaycan Respublikasının Prezidenti (7.10.2021–) |
| Ünvan | Bakı şəhəri, Heydər Əliyev pr. 152, "Çinar Plaza" Biznes Mərkəzi, 23-cü mərtəbə |
| Rəhbərlik | |
| Sədr | Səbuhi Sadıqov[1] |
| Müavinlər |
Zaur Abişev Zaur Ələkbərov |
|
|
|
| Rəsmi saytı | dea.gov.az/az |
Dövlət ehtiyatlarının yaradılmasında məqsəd
redaktəDövlət ehtiyatları strateji, fövqəladə və səfərbərlik ehtiyatlarından ibarətdir. Maddi sərvətlər fondu olan dövlət ehtiyatlarının yaradılmasında əsas məqsəd ölkənin gündəlik istehlak olunan həyati əhəmiyyətli mallarla təchizatında dayanıqlılığını təmin etmək və daxili bazarda həmin mallar üzrə qısamüddətli kəskin qiymət artımının qarşısını almaqdır.
ADEA-nın fəaliyyət istiqamətləri
redaktəADEA ölkənin strateji əhəmiyyətli istehlak malları (o cümlədən bir sıra ərzaq malları, yanacaq materialları, tibb və dərman vasitələri) üzrə təchizat zəncirinin dayanıqlılığının təmin edilməsi və daxili bazarda həmin malların qısamüddətli kəskin qiymət dəyişikliyinin qarşısının alınması üçün tədbirlər görür. Bundan başqa, ADEA saxlanılmasını təmin etdiyi strateji ehtiyatların yeniləşdirilməsi ilə bağlı mütəmadi tədbirlər görür. ADEA fövqəladə hadisələrin qarşısını almaq, təsirləri aradan qaldırmaq, həmçinin strateji əhəmiyyətli obyektlərin fasiləsiz fəaliyyətini təmin etmək məqsədilə keçirilən mülki müdafiə tədbirləri çərçivəsində fövqəladə ehtiyatların – müxtəlif növ avadanlıqlar, xüsusi və fərdi mühafizə vasitələrinin yaradılmasında iştirak edir. ADEA mütəmadi olaraq saxlanılmasını təmin etdiyi strateji və fövqəladə ehtiyatların yeniləşdirilməsi ilə bağlı da tədbirlər görür. ADEA, həmçinin Azərbaycan Respublikasının müvafiq dövlət qurumları tərəfindən ölkənin müdafiə və səfərbərlik ehtiyaclarını təmin etmək məqsədilə yaradılan səfərbərlik ehtiyatlarının zəruri həcmdə mövcudluğuna nəzarəti həyata keçirir.
ADEA-nın missiyası, gələcəyə dair məqsəd və hədəfləri
redaktəÖlkə başçısı cənab İlham Əliyevin Agentliyin yaradılması haqqında 7 oktyabr 2021-ci il tarixli Fərmanında ADEA-nın yaradılmasını zəruri edən məqsədlər açıq şəkildə qeyd olunmuşdur. Bura ölkədə strateji əhəmiyyətli mallar üzrə daha effektiv təchizat zəncirinin formalaşdırılması, bu sahədə qabaqcıl tənzimləmə və idarəetmə təcrübəsinin tətbiqi, eləcə də daxili bazarın qısamüddətli mənfi təsirlərə davamlığının artırılması daxildir. Bu məqsədlərin həyata keçirilməsini təmin etmək məqsədilə ADEA-nın missiyası, gələcəyə dair əsas hədəfləri formalaşdırılmışdır. ADEA-nın missiyası dövlət ehtiyatlarını yaradaraq və səmərəli idarə edərək ölkənin təhlükəsizliyini və dayanıqlı inkişafını təmin etməkdən ibarətdir. ADEA-nın gələcəyə dair əsas məqsədləri isə mütərəqqi yanaşmaları tətbiq etməklə ehtiyatların innovativ və səmərəli idarəetmə sisteminin yaradılmasını təmin etməkdir. Missiyanın uğurla həyata keçirilməsi və gələcəklə bağlı məqsədlərə nail olmaq üçün əsas hədəflərdən biri strateji əhəmiyyət kəsb edən məhsulların ölkəyə davamlı tədarükünün təmin edilməsidir. Bu məqsədlə ADEA tərəfindən davamlı təchizat zəncirinin formalaşdırılması üçün müvafiq strategiyalar hazırlanaraq həyata keçirilir. Eyni zamanda qlobal təchizat zəncirində baş verə biləcək fasilələrə qarşı qabaqlayıcı tədbirlər görülür. ADEA-nın digər əsas hədəfi isə dövlət ehtiyatlarının idarə olunmasının səmərəliliyini artırmaqdır.
Hüquqi bazanın yaradılması
redaktəADEA tərəfindən dövlət ehtiyatlarının idarə olunması sahəsində mövcud qanunvericilik, əsas risklər və dövlət ehtiyatlarının cari vəziyyəti təhlil edilib, həmçinin bu sahədə qabaqcıl beynəlxalq təcrübə öyrənilib. Aparılan araşdırmaların nəticəsində dövlət ehtiyatlarının yeni konsepsiyası hazırlanıb, ölkəmizin əsas resurs ehtiyacları müəyyən edilib və dövlət ehtiyatlarının ilkin nomenklaturaları hazırlanaraq təsdiq olunub. Nomenklaturalar təsdiq olunduqdan sonra ehtiyatların yaradılması istiqamətində ADEA tərəfindən zəruri tədbirlərin icrasına başlanılıb. Nəticədə strateji ehtiyatlardan biri hesab olunan ərzaqlıq buğdanın dövlət ehtiyatı dəfələrlə artırılaraq zəruri səviyyəyə çatdırılıb. Həmçinin, fövqəladə hallara hazırlıq çərçivəsində ADEA fövqəladə ehtiyatların tədarükü sahəsində əsaslı işlər həyata keçirib. Bundan başqa, cənab Prezidentin tapşırığına müvafiq olaraq ADEA tərəfindən ilk dəfə dövlət ehtiyatlarının yaradılması və idarə edilməsi sahəsində fəaliyyətin təşkilati, hüquqi və iqtisadi əsaslarını müəyyən edən “Dövlət ehtiyatları haqqında” Azərbaycan Respublikası Qanun layihəsi hazırlanmışdır. Qanun aidiyyəti dövlət orqanları ilə razılaşdırılıb və 2023-cü ilin dekabr ayının 19-da qüvvəyə minib.
ADEA-nın loqosu
redaktəADEA-nın loqosunda 8 guşəli ulduz, qalxan və alov elementindən istifadə olunub. Loqonun əsas fəlsəfəsi ADEA-nın fəaliyyət istiqamətləri ilə sıx bağlıdır. Belə ki, əsas elementlərdən biri olan qalxan dövlət ehtiyatlarının mühafizəsini özündə əks etdirir. ADEA-nın loqosunda dövlət xəttinin qorunması və saxlanması üçün səkkiz guşəli ulduzdan istifadə edilib. Loqoda təsvir olunan alov elementi isə ölkəmizin odlar yurdu olmasını özündə təcəssüm etdirir.
Agentliyin sosial şəbəkə hesabları
redaktəİstinadlar
redaktə- ↑ "Dövlət Ehtiyatları Agentliyinin yeni rəhbəri kollektivə təqdim olunub". 2022-01-10 tarixində arxivləşdirilib. İstifadə tarixi: 2022-01-10.