Dəniz Supermeni və Eynəkli

Dəniz Supermeni və Eynəkli (ing. Mermaid Man and Barnacle Boy — hərfən Dəniz Adamı və Molyusk Oğlan) — Süngər Bob Kvadrat Şalvar cizgi serialının obrazlarından biri.

Dəniz Supermeni və Eynəkli
Dəniz adamı və Molyusk Oğlan ing. Mermaid Man and Barnacle Boy
İlk görünmə	Dəniz Supermeni və Eynəkli (21 avqust 1999)
Yaradan	Stiven Hillenburq
Səsləndirən	Dəniz Supermeni Ernest Borqnayn (1999-2012) Tom Kenni (cavanlığı, 1999) Adam Uest (cavanlığı, 2010) Eynəkli Tim Konuey (1999-2012) Bert Uord (cavanlığı, 2010)
Məlumat
Cinsi	Kişilər
Peşə	Super qəhrəmanlar
Əlaqələri	Süngər Bob, Patrik Star
Milliyyəti	Amerikalılar
Düşmən(lər)	Men Rey, Çirkli Köpük və digərləri
Serial(lar)	Süngər Bob Kvadrat Şalvar

Dənizdə yeganə super qəhrəmanlardır. Multiplikator və dəniz bioloqu olan, eyni zamanda cizgi serialının yaradıcısı olan Stiven Hillenberq tərəfindən uydurulmuş obrazlardır. Originalda Dəniz Supermenini Ernest Borqnayn, Eynəklini isə Tim Konuey səsləndirir.

Haqqında

Dəniz Supermeni və Eynəkli su (dəniz) altında yaşayan yeganə super qəhrəmanlardır. Uydurma şəhər olan Bikini Bottomda yaşayırlar. əvvəlcə ABŞ-də yaşayan sıradan insanlar olmuşlar. Sonradan qəza nəticəsində suya düşmüş, ancaq suda nəfəs almağı bacarmışlar. Vaxtı ilə onların qəhrəmanlıqları haqqında "Dəniz Supermeni və Eynəklinin macəraları" adlı teleserial çəkilmişdir. Onlar daha sonra qocalmış, pensiya almış və qocalar evində yaşamağa başlamışlar. Ancaq daha sonra pensiyadan çıxmış, qəhrəmanlıq fəaliyyətlərini davam etdirmişlər. Onlar Men Rey, Atom Paltusu, Çirkli Köpük və digər dəniz canilərinin düşmənləridirlər. Süngər Bobun, Patrikin və bir çox sakinlərin sevimli qəhrəmanlarıdırlar. Krasti Krabda Krabsburger (adi hamburgerdir, Mister Krabsın şərəfinə adı dəyişdirilmişdir) yeməyi sevirlər. 2012-ci ildən sonra onları səsləndirənlər sağlamlıq probleməri səbəbilə serialdan ayrılmışlar. Artıq serialda Dəniz Supermeni və Eynəkli heç bir rola malik deyillər. 8 iyul 2012-ci ildə Ernest Borqnayn, 14 may 2019-cu ildə isə Tim Konuey vəfat etdi. Artıq obrazlar sadəcə reklam tablolarında, həmçinin yoldan keçən lal obrazlar kimi görünürlər.