Dağıdıcı Konan
Dağıdıcı Konan (ing. Conan the Destroyer) — 1984-cü ildə istehsal olunmuş ABŞ filmidir. Baş rolda Arnold Şvartsenegger iştirak edir. Filmə Universal Studios, Orion Pictures və Metro-Goldwyn-Mayer kimi film istehsal edən məşhur kompaniyalar distribütorlik etmişdir. Film Robert İrvin Hovardın "Barbar Konan" əsəri əsasında çəkilmişdir.
| Dağıdıcı Konan | |
|---|---|
| ing. Conan the Destroyer | |
 | |
| Janr | Döyüş filmi |
| Rejissor | Riçard Fleyşer |
| Prodüserlər |
Raffaella De Laurentis Edvard Pressman Dino De Laurentis Stiven Kesten |
| İcraçı prodüser | Dino de Laurentis |
| Əsərin müəllifi | Robert İrvin Hovard |
| Ssenari müəllifləri |
Stenli Menn Roy Tomas Cerri Konvey |
| Baş rollarda |
Arnold Şvartsenegger Qreys Cons |
| Operator | Cek Kardiff |
| Bəstəkar | Ceyms Horner |
| Rəssamlar |
Pyer Luici Basile Xose Mariya Alarkon Kevin Fipps Con Blumfild |
| İstehsalçı | Dino De Laurentiis Company |
| Distribütor | Universal Pictures, Netflix |
| İlk baxış tarixi | 1984, 19 oktyabr 1984[2], 29 iyun 1984[3] |
| Müddət | 101 dəqiqə |
| Büdcə | $18 milyon (qiymətləndirməylə)[1] |
| Gəlir | $100,042,035 |
| Ölkələr |
 ABŞ |
| Dil | İngilis dili |
| İl | 1984 |
| Əvvəlki film | Barbar Konan |
| Rəng | rəngli |
| IMDb | ID0087078 |
Məzmun redaktə
Xəbərdarlıq: Yazının davamı əsərin məzmunu haqqında məlumat ehtiva edir.Baş verən hadisələr «Barbar Konan» hekayəsinin ardını davam etdirir. Konan və onun köməkçisi oğru olan Malek, Şadizaranın kraliçası Taramisin himayədarlığı altına keçirlər. Taramis Konanı Şahzadə Cennanı və onun cangüdəni Bombaatanı qorumaq üçün vəzifələndirir. Kraliça onları sehrli kristal və Daqotun buynuzunu axtarmaq üçün göndərir. Bunun əvəzində isə Taramis Konanın sevgilisi Valeriyanı yenidən həyata qaytaracaqdır. Lakin bu müddətdə Taramis Bombaataya, tapşırığın sonunda Konanı öldürməyi tapşırır. Yol boyu onlara zənci qadın döyüşçüsü Zula və Konanın köhnə dostu sehrbaz Akiro qoşulur.
Onlar cadugər Tot-Amonun sehrli məbədinə daxil olmaq qərarına gəlirlər. Bu qəsrdə sehrli kristal saxlanılır. Cadugər Şahzadə Cennanı oğurlayır və qəsrinə aparır. Qəhrəmanlar Şahzadəni axtararaq qəsrə çatırlar. Bu zaman Konan bədheybətə dönən Tot-Amonla mübarizə aparmağa məcbur olur. Konanın qələbəsindən sonra Şahzadə Cenna sehrli kristalı məbəddən götürür. Ardınca onlar Daqotun buynuzunun axtarışına yollanırlar.
Qəhrəmanlar yeraltında yerləşən ovsunlu mağaraya sehrli kristalın sayəsində daxil olurlar və burada Daqotun buynuzunu tapırlar. Akiro divarlarda köhnə yazıları oxuyur və onlara buynuzun köməyi ilə Daqotun dirilməsi, dünyaya ziyan verəcəyini bildirir. Lakin Konan Valeriyanı diriltmək məqsədi ilə buynuzu götürür. Bu zaman yeraltı mağaranın döyüşçüləri onlara hücum edir və qəhrəmanlar tunel vasitəsi ilə buradan qaçmağa məcbur olurlar. Bombaata ona kraliçanın verdiyi tapşırığını yerinə yetirməyə başlayır. Bombaata tuneli arxasınca dağıdaraq, qəhrəmanları özündən uzaq salmağı bacarır və Şahzadə Cenna ilə birlikdə Şadizaraya yollanır.
Artıq onları kraliça Şadizarda gözləyərək, mərasim hazırlamışdır. Daqotun dirilməsi üçün buynuz onun qarşısına qoyulmuşdur. Daqot dirilən zaman Şahzadə Cenna onun üçün qurban getməlidir. Çünki Skelos kitabında yazılanlara görə əks halda dünya məhv ola biləcək vəziyyətə gələ bilər. Bu mərasim zamanı Konan dostları ilə birlikdə saraya daxil olur. Konan Bombaata ilə döyüşür və onu məğlub edir. Bu müddətdə Daqot artıq dirilmək üzrədir və Şahzadə Cenna qurban getməlidir. Zula Şahzadə Cennanı öldürməyə çalışan kahini məğlub edir. Daqot dirilmişdir və ona qurban aparmadıqlarına görə bədheybətə dönmüşdür. Daqot kraliçanı öldürür. Konan isə Daqot ilə mübarizə aparır və onun buynuzunu çıxarmağı bacarır. Bu zaman Daqot məhv olur.
Kraliça öldüyünə görə Şadizarın kraliçası Şahzadə Cenna olur. Şahzadə Cenna Zulanı döyüşçülərinin başçısı, Maleki təlxək və Akironu məsləhətçisi təyin edir. Konana isə onunla evlənərək, Şadizarın kralı olması təklifini verir. Lakin Konan onun təklifini qəbul etmir və yeni macəralarına hazırlaşaraq, səyahətə yollanır.
Xəbərdarlığın sonu.Rollarda redaktə
| Aktyor/aktrisa | Rol | Qeydlər | İstifadə etdiyi silah növü |
|---|---|---|---|
| Arnold Şvartsenegger | Konan | Döyüşçü | Qılınc |
| Qreys Cons | Zula | Sərt döyüşçü olmasına baxmayaraq, siçovullardan qorxur | |
| Uilt Çemberlen | Bombaata | Şadizar mühafizəçilərinin kapitanı | |
| Mako İvamatsu | Akiro | Konanın dostu olan sehrbaz | |
| Treysi Volter | Malek | Konanın dostu olan oğru | İki kiçik xəncər |
| Sara Duqlas | Kraliça Taramis | Şadizarın kraliçası | |
| Oliviya D'Abo | Şahzadə Cenna | Şadizarın şahzadəsi | |
| Ceff Kori | Böyük Vəzir | Kraliça Taramisin cadugərdi | |
| Pet Roeç | Tot-Amon | almaz cəvahiratın sahibi olan sehrbaz | |
| Sven-Ole Torsen | Toqra | Şahzadə Cennnanın cangüdəni | Qılınc |
| André the Giant | Daqot | Yuxulu tanrı |
İstinadlar redaktə
- ↑ "Conan the Destroyer — Box Office Data". The Numbers. 27 December 2013 tarixində arxivləşdirilib. İstifadə tarixi: 29 July 2011.
- ↑ https://www.zweitausendeins.de/filmlexikon/?sucheNach=titel&wert=22618.
- ↑ IMDb (ing.). 1990.
Xarici keçidlər redaktə
- Dağıdıcı Konan — Internet Movie Database saytında.