David Qareci lavrası

David Qareci lavrası (gürc. დავითის ლავრა) — Keşikçidağ monastır kompleksinə daxil olan tarixi-memarlıq abidəsi. Lavra VI əsrin I yarısında Müqəddəs David Qarecinin rəhbərliyi ilə inşa edilmişdir.

David Qareci lavrası
gürc. დავითის ლავრა
Lavranın əsas kilsəsi, rahiblər üçün nəzərdə tutulmuş köməkçi binalar və kompleksi əhatə edən qala divarlarının yaxınlıqdakı qaya üzərindən ümumi görünüşü
41°17′55″ şm. e. 45°42′17″ ş. u.
Ölkə	Gürcüstan
Şəhər	Saqareco
Yerləşir	Kaxeti
Aidiyyatı	Gürcü Ortodoks Kilsəsi
Sifarişçi	David Qareci
Tikilmə tarixi	VI əsr
Üslubu	Gürcüstan memarlığı
Vəziyyəti	fəaliyyət göstərir
Vikianbarda əlaqəli mediafayllar

Memarlıq xüsusiyyətləri

Kompleksə VI-XVIII əsrləri əhatə edən müxtəlif tikililər - kilsə, rahiblərin və ziyarətçilərin istifadəsi üçün nəzərdə tutulmuş müxtəlif binalar daxildir. Kompleks dairəvi qüllələri olan müdafiə divarları ilə əhatə olunmuşdur.

Kompleksin mərkəzində girişi üzərində zəng qülləsi ucalan qədim kilsə yerləşir. Kilsənin ətrafında yaşayış üçün hər şəraiti olan kenakonlar, onların arxasında kiçik kapellalar, bir qədər aralıda isə atların saxlanması üçün yerlər və anbarlar yerləşir.

Kompleks mağaralarla zəngin dağlıq ərazidə yerləşir. Dağlıq ərazidə yağış sularının toplanması, süzülməsi və istifadəsinə imkan verən sistem yaradılmışdır. Kompleksə daxil olan mağaralardan birinə davamlı olaraq su damır və toplanır. Əfsanəyə əsasən bu mağara "Davidin göz yaşı" adlandırılır.

• 
• 
• 

Həvari İohann kilsəsi

Kompleksin ən böyük və mühüm tikilisi Həvari İohann kilsəsidir. Kompleksin özəyini təşkil edən bu kilsə XII əsrdə əsasən qırmızı tufdan istifadə edilməklə tikilmişdir.

Kilsənin XVII əsrdə bərpa edilmiş şimal divarını David Qarecinin həyatının müxtəlif dövrlərini təsvir edən divar rəsmləri bəzəyir.

• 
  Kilsənin əsas girişi
• 
  Kompleksin aşağı hissəsindən kilsənin görünüşü

Monastır rəhbərləri

• VI əsr - David Qareci
• 1881 - arximandrit Qriqori Dadiani

Ədəbiyyat

• Чубинашвили Г. Н., Пещерные монастыри Давид-Гареджи, Тб., 1948. (rus.)