Davud Şirinov

Davud Şirinov
Davud Şirinov
Azərbaycan SSR yüngül sənaye naziri
	4 sentyabr 1956 – 6 iyun 1957
Əvvəlki	Möhbalı Əmiraslanov
Sonrakı	vəzifə ləğv edilib
Azərbaycan SSR toxuculuq sənayesi naziri
	1 noyabr 1955 – 4 sentyabr 1956
Əvvəlki	vəzifə təsis edilib
Sonrakı	vəzifə ləğv edilib
Şəxsi məlumatlar
Doğum tarixi	1910
Doğum yeri	Sarov, Yelizavetpol qəzası, Yelizavetpol quberniyası, Rusiya imperiyası;
Vəfat tarixi	iyun 1973
Dəfn yeri	II Fəxri Xiyaban;
Partiya	Sovet İttifaqı Kommunist Partiyası (1931–1973);
Təhsili	Moskva Tekstil İnstitutu[d] (–1940);
Təltifləri	;

Davud Abbas oğlu Şirinov (1910, Sarov, Yelizavetpol qəzası – iyun 1973) — Azərbaycan dövlət xadimi, Azərbaycan SSR yüngül sənaye naziri (1956–1957), Azərbaycan SSR toxuculuq sənayesi naziri.

Həyatı redaktə

Davud Abbas oğlu Şirinov 1910-cu ildə kəndli ailəsində anadan olmuşdur. 1928-ci ildə toxuculuq texnikumunu bitirdikdən sonra Orconikidze adına Gəncə toxuculuq kombinatında usta köməkçisi, sonra Lenin adına Bakı toxuculuq kombinatında növbə ustası işləmişdir. 1940-cı ildə Moskva Toxuculuq İnstitutunu bitirmiş və Bakıdakı Lenin adına toxuculuq kombinatının əyiricilik fabrikində sex rəisi, texniki rəhbər vəzifələrində işləmiş, kombinatın baş mühəndisi, sonra isə direktoru olmuşdur.^[1]

1943–1948-ci illərdə Davud Şirinov Orconikidze adına Gəncə toxuculuq kombinatına rəhbərlik etmişdir. 1948-ci ildə Azərbaycan SSR toxuculuq sənayesi nazirinin birinci müavini, 1955-ci ildə isə toxuculuq sənayesi naziri vəzifəsinə təyin edilmişdir. 1956–1957-ci illərdə Azərbaycan SSR yüngül sənaye naziri olmuş, 1957–1971-ci illərdə Yüngül Sənaye İdarəsinin rəisi, Azərbaycan SSR Xalq Təsərrüfatı Şurası sədrinin müavini, Azərbaycan SSR yüngül sənaye nazirinin birinci müavini vəzifələrində çalışmışdır.^[1]

Davud Şirinov 1931-ci ildən Sovet İttifaqı Kommunist Partiyasının üzvü olmuşdur. O, Azərbaycan Kommunist Partiyasının XXI qurultayında Azərbaycan KP MK üzvlüyünə namizəd seçilmişdir. Dəfələrlə Bakı və Kirovabad şəhər partiya komitələrinin tərkibinə seçilmiş, şəhər sovetlərinin deputatı olmuşdur. "Qırmızı əmək bayrağı" və "Şərəf nişanı" ordenləri, eləcə də SSRİ medalları ilə təltif edilmiş, "Azərbaycan SSR əməkdar mühəndisi" fəxri adına layiq görülmüşdür. İttifaq əhəmiyyətli fərdi təqaüdçü olmuşdur.^[1]

Davud Şirinov 1973-cü ilin iyun ayında vəfat etmişdir.^[1] II Fəxri Xiyabanda dəfn olunmuşdur.

İstinadlar redaktə

↑ ^1,0 ^1,1 ^1,2 ^1,3 Д. А. Ширинов // Коммунист. № 151 (15366). 30 ијун 1973-ҹү ил. С. 4.

Xarici keçidlər redaktə

"Ширинов Давуд Аббасович" (rus). Память народа. İstifadə tarixi: 25 yanvar 2023.

Həmçinin bax redaktə

Azərbaycan SSR hökuməti (1955–1959)

[kom73-1] 1,0 ^1,1 ^1,2 ^1,3 Д. А. Ширинов // Коммунист. № 151 (15366). 30 ијун 1973-ҹү ил. С. 4.

[1]