Dinamo stadionu (Minsk)

Belarusiyadakı çoxfunksiyalı stadion

Dinamo stadionu (belar. Стадыён Дынама) — Belarusun paytaxtı Minsk şəhərində yerləşən çoxməqsədli stadion. Stadionda hazırda yenidənqurma işləri davam edir. Əvvəllər bu stadion əsasən futbol qarşılaşmaları üçün istifadə olunurdu və Dinamo Minsk, Minsk, həmçinin Belarus milli futbol komandasına ev sahibliyi etmişdir. Rəsmi olaraq stadionun tutumu 40,000 nəfər göstərilsə də, 1990-cı illərin ortalarında təhlükəsizlik məqsədləri üçün stadionun yuxarı hissəsi ləğv olunmuş və azarkeş tutumu 34,000 nəfərə qədər azaldılmışdır.[1]

Dinamo stadionu
Dinamo Stadium Minsk.jpg
Yeri Belarus Minsk, Belarus
Açılış tarixi 12 iyun 1934
Yenidən qurulma tarixi 1939, 1947–1954, 1978–1980, 2012–
Bağlanma tarixi 2012 (yenidənqurma məqsədilə)
Tamaşaçı tutumu 34.000
Ev sahibi komanda Dinamo Minsk FK (1934–2008)
Minsk FK (2009–2012)
Belarus milli futbol komandası (1992–2012)
Meydançanın ölçüləri 108×70 m
Ot örtüyü Ot
Rəsmi saytı
Commons-logo.svg Vikianbarda əlaqəli mediafayllar

TarixiRedaktə

Dinamo stadionu ilk dəfə 1934-cü ildə konstruksiya olunmuş və fəaliyyətə başlamışdır. Sonradan, 1939-cu ildə ilkin yenidənqurma işləri nəticəsində stadionun tutumu artırılmışdır. Stadion İkinci dünya müharibəsi illərində dağıntılara məruz qalmış, yalnız müharibə başa çatdıqdan sonra 1947-1954-cü illəri aralığında təmir olunmuşdur. 1978-1980-ci illər aralığında 1980 Yay Olimpiya Oyunları məqsədilə bir daha təmir olunan stadion, 2012-ci ilin oktyabr ayında növbəti dəfə təmir işləri məqsədilə müvəqqəti olaraq qapadılmışdır.[2] Stadionun Minsk şəhərində baş tutacaq 2019 Avropa Oyunlarına qədər tam hazır olacağı gözlənilir.[3]

Ölkədaxili istifadəRedaktə

Stadion Sovet dövrü ərzində, həmçinin Belarus müstəqillik əldə etdikdən etibarən 2008-ci ilə qədər Dinamo Minsk FK-na ev sahibliyi etmişdir. 2009-cu ildə Dinamo Minsk nisbətən daha kiçik olan Dinamo-Yuni stadionuna yerləşdikdən sonra bu stadion Minsk FK-nın stadionu olmuşdur. Stadion, həmçinin 1992-ci ildən 2012-ci ilə qədər ənənəvi olaraq futbol üzrə Belarus kubokunun final qarşılaşmalarına da ev sahibliyi etmişdir.

Beynəlxalq istifadəRedaktə

1980 Yay Olimpiya Oyunlarının futbol turnirinin bəzi qarşılaşmaları bu stadionda oynanılmışdır. Həmin turnir ərzində təşkil olunan 6 qrup matçı və bir dörddə bir final qarşılaşması Dinamo stadionunda oynanılıb.[4] 1984-cü ildə UEFA tərəfindən təşkil olunan U-18 Avropa futbol çempionatı və 1985-ci ildə FİFA tərəfindən təşkil olunan U-20 dünya kubokunun bəzi qarşılaşmaları burada baş tutmuşdur. 1992-ci ildən etibarən stadion Belarus milli futbol komandasına ev sahibliyi edir.

Dinamo stadionu uzun illər boyunca Belarus klublarının Avropa kuboklarında baş tutmuş oyunlarına ev sahibliyi etmişdir. Bunun əsas səbəbi Belarusda olan digər klubların stadionlarının UEFA tələblərinə uyğun olmaması idi.

Həmçinin baxRedaktə

İstinadlarRedaktə

  1. Stadium profile at pressball.by
  2. History of Dinamo Stadium
  3. "Archived copy". 14 aprel 2012 tarixində orijinalından arxivləşdirilib. İstifadə tarixi: 9 may 2018.
  4. 1980 Summer Olympics Technical Study

Xarici keçidlərRedaktə