Diplomatik psixologiya

Kitabda adi həyatdan tutmuş siyasətə və hərbiyyəyə qədər olduqca geniş bir diapazonda tətbiq olunan çoxlu sayda diplomatik manevrlərin, taktiki gedişlərin, psixoloji fəndlərin mexanizmi izah edilir, onlardan necə istifadə etməyin yolları göstərilir;

Kitabın birinci hissəsində – qədim Şərq əlbəyaxa döyüşlərində və ümumən hərb texnikasında olduğu kimi, ünsiyyət aktının da özünəməxsus taktika və strategiyaya, hücum və əks-hücum məqamlarına, kəşfiyyat, diversiya elementlərinə və s. malik olduğu göstərilir, rəqibin zəif cəhətlərini necə aşkar etmək, onlara zərbələri necə endirmək, qarşı tərəfin hücumlarından necə qorunmaq, fikirlərini necə "oxumaq", ünsiyyət zamanı təşəbbüsü necə ələ almaq, liderliyə necə nail olmaq, kiməsə hər hansısa bir fikri necə təlqin etmək, onu necə inandırmaq, fəaliyyətə necə təhrik etmək və ya bundan necə çəkindirmək, rəyini necə döndərmək, iradəsini necə qırmaq, öz mövqeyini ona necə qəbul etdirmək, onda hansısa bir əhval-ruhiyyəni, halı, meyli necə formalaşdırmaq və ya necə neytrallaşdırmaq, müxtəlif xarakter və statuslu adamlarla müxtəlif şəraitlərdə ünsiyyəti necə qurmaq, söhbətin maraqlı keçməsi üçün hansı nüansları nəzarətdə saxlamaq və s. barədə bəhs edilir.

İkinci hissədə – konkret olaraq siyasət və hərbiyyədə istifadə olunan diplomatik manevr və fəndlərin texnologiyalarından bəhs olunur: Rəqib cəbhəsinin əsgər və əhalisinin mənəvi və hərbi ruhunu necə qırmaq, onların öz qüvvəsinə, öz hərbi-siyasi rəhbərliyinin kompetentliyinə inamını necə itirmək, onların döyüş qabiliyyətini necə aşağı salmaq, müqavimət iradəsini necə qırmaq, hərbi əməliyyatlarda iştirakdan və ya səfərbərlikdən boyun qaçırmağa, dezertirliyə, komandirlərə tabe olmamağa, əsir düşməyə, satqınlığa və s. necə təhrik etmək, onları özlərinin, öz yaxınlarının və ya öz dövlətlərinin, vətənlərinin, rəhbərlərinin və b. əleyhinə olan addımlara, fəaliyyətlərə necə meylləndirmək, beynəlxalq siyasətdə və ümumən siyasətdə bütün bunlardan necə istifadə etmək və s. barədə söhbət açılır, bunların realizəsi üçün konkret fənd və vasitələr göstərilir.

Metodika dünya psixologiyasında analoqa malik deyil.

Kitab xüsusi idarələr, diplomatlar, siyasətçilər, politoloqlar, hərb strateqləri, pedaqoqlar, psixoloqlar və ümumiyyətcə, praktik psixologiya ilə maraqlanan hər kəs üçün nəzərdə tutulub.

Kitab ABŞ-nin Konqress kitabxanasına daxil edilib. Kitabın ABŞ Konqress kitabxanasındakı biblioqrafiq məlumatları:

Author: Mămmădov, Jabbar
Title: Diplomatik psikholoġii̐a (sii̐asi, ideolozhi vă psikholozhi diversii̐a vă anti-diversii̐alaryn metodlary)
Year: 2001
Place Published: Baky
Publisher: Sabah
Number of Pages: 399
ISBN 5861062250
LC classification (full): JZ1253 .M36 2001
LC classification (partial): JZ1253
Accession Number: 13615368
LCCN: 2004385591
Other system no. (RuMoEVP)evOO2000007482
Language: In Azerbaijani (Cyrillic)
Subjects: International relations Psychological aspects. Diplomacy Psychological aspects (Tərcüməsi: Beynəlxalq münasibətlərin psixoloji aspektləri. Diplomatiyanın psixoloji aspektləri).
Notes: 2004385591. Jabbar Mămmădov. ill.; 21 cm. Includes bibliographical references (Tərcüməsi: Sonda biblioqrafik istinadlar var).

Mənbə

Cabbar Məmmədov: Diplomatik psixologiya. Bakı, "Elm və Təhsil" 2015 (ikinci nəşr)
Kitabın 1-ci nəşrinin mündəricatı ABŞ Konqress kitabxanasında