Disentra

Cinsin adı yunancadan "ikimahmızlı" kimi tərcümə olunur. Adı çiçəyin quruluşu ilə izah olunur. Bu cinsə 20 növ daxildir. Vətəni Asiya və Şimali Amerikadır. Gülçülükdə təxminən 10 növündən istifadə olunur. Onlardan 3 növü xüsusilə geniş yayılmışdır. Gözəl disentra (D.spectabilis) gövdəsinin hündürlüyü 60 sm-ə çatan bitkidir. Sallaq gülləri salxımşəkilli çiçək qrupunda toplanmışdır. Çiçək tacının rəngi çəhrayı, ya da qırmızıdır. Bu bitkinin vətəni Çin və Koreyanın dağ rayonlarıdır. 1810-cu ildən gülçülükdə istifadə olunur. Növün bağ forması var: alba hort. çiçəklərinin ağ rəngi ilə fərqlənir. Şimali Amerika gülçülüyündə disentranın 2 alçaqboylu növündən istifadə edilir: gözəl disentra (D. formosa) və görkəmli disentra (D. eximina). Disentra yaşıl qələmlərlə çoxaldılır. Bitkini yazda kök qələmləri ilə də çoxaltmaq olar. Yazda çiçəkləməsi üçün onu payızda dibçəyə köçürmək və fevrala qədər sərin otaqda saxlamaq lazımdır.

Disentra
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Lamidlər Dəstə: Quşüzümüçiçəklilər Fəsilə: Quşüzümükimilər ???: Disentra
Beynəlxalq elmi adı
Dicentra Bernh.
Şəkil axtarışı ITIS   18942 NCBI   22680

Növləri

• Dicentra canadensis (Goldie) Walp.
• Dicentra cucullaria (L.) Bernh.
• Dicentra eximia (Ker Gawl.) Torr.
• Dicentra formosa (Haw.) Walp.
  • Dicentra formosa subsp. oregona (Eastw.) Munz
• Dicentra nevadensis Eastw.
• Dicentra pauciflora S.Watson
• Dicentra peregrina (Rudolph) Makino
• Dicentra uniflora Kellogg

Məlumat mənbəsi

1. Tofiq Məmmədov (botanik) "Gülçülük ensiklopediyası": Bakı: "Azərbaycan"-2016. http://dendrologiya.az/?page_id=112 Arxivləşdirilib 2019-11-17 at the Wayback Machine

İstinadlar

Disentra:The Plant List saytında takson barədə məlumat. (ing.)