Dolanan dağı

DolananŞərur rayonu  ərazisində   dağ (hünd. 1660,3 m). Dərələyəz silsiləsindən şimal-qərbə ayrılan Saraybulaq qolunun cənub-qərb istiqamətli Ağsal şaxəsində zirvə. Arpa çayı su anbarının sol sahil yamacında, Şahbulaq kəndindən 3 km şimaldadır. Üst Permin Murqab regiomərtəbəsinə aid Şahbulaq lay dəstəsinin  əhəngdaşılarından təşkil olunmuş sıldırım yamaclı, konusvari yüksəklikdir. Tektonik cəhətdən Şərur-Culfa qalxım zonasının Şərur seqmentinin  şimal-şərq cinahında müşahidə edilən Qızılqaya-Dolanan sinklinalının nüvə hissəsində yerləşir. Zirvəsindən submeridional istiqamətli fay qırılması keçir. Yamaclarında şimal-şərq və şimal-qərbə uzanan qırılmalar müşahidə olunur.[1]

Dolanan dağı
Ümumi məlumatlar
Dağ sistemi Kiçik Qafqaz
Mütləq hündürlüyü 1660,3 m
Yerləşməsi
Ölkə  Azərbaycan
Rayon

DOLANAY DAĞI – Şərur rayonu  ərazisində Dolanan dağının yerli əhali arasında işlədilən başqa adı.

Həmçinin bax:Redaktə

İstinadlarRedaktə

  1. Naxçıvan Ensiklopediyası. I cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 596. ISBN 5-8066-1468-9.