Dolidze Semyon Vissarionoviç

Semyon Dolidze
Semyon Dolidze
	სიმონ დოლიძე
Doğum tarixi	24 yanvar (6 fevral) 1903
Doğum yeri	Ozurgeti, Kutaisi quberniyası, Rusiya İmperiyası
Vəfat tarixi	17 iyul 1983
Vəfat yeri	Tbilisi, Gürcüstan SSR
Dəfn yeri	Didube panteonu;
Fəaliyyəti	rejissor, ssenari müəllifi
Fəaliyyət illəri	1932–1983
Təhsili	Tbilisi Dövlət Universiteti;
Üzvlüyü	SSRİ Kinematoqrafçılar İttifaqı;
Mükafatları	;
IMDb	ID0231030

Dolidze Semyon Vissarionoviç (6.2.1903, Kutaisi quberniyasının Ozurgeti şəhərində,17.6.1983, Tbilisi) - gürcü rejissoru, ssenarist. SSRİ xalq artisti (1965).^[1] SSRİ Dövlət mükafatı laureatı (1950). 1925-ci ildə Tbilisi Universitetinin tarix-filologiya fakultəsini bitirmişdir. Gürcüstan Dövlət Kino Sənayesi Birliyində kinoxronika şöbəsi yaratmış və ona rəhbərlik etmişdir. 1957-76-cı illərdə Gürcüstan Kinematoqrafçılar İttifaqının sədri işləmişdir. 1941-ci ildən Sovet İttifaqı Kommunist Partiyasının üzvü. Gürcüstan SSR-nin 4-cü çağırış deputatı.

Kinoda ilk işi qısametrajlı “Torpağa həmlə” (1929) sənədli filmi olmuşdur. “Mənim nənəm” (1929, G.D.Mdivani və K.A.Mikaberidze ilə birgə) filminin ssenarisinin yaradılmasında iştirak etmişdir.1932-ci ildə “Uçqunlar ölkəsində” (ssenari müəllifi Dolidze) filmini çəkmişdir. Ən yaxşı filmləri: “Axırıncı səlibçilər” (1934), “Dariko” (1937), “Curpayın qalxanı” (1941, D.Rondeli ilə birgə), “Cırcırama” (1954), “Eterinin mahnısı” (1957), “Fatimə” (1959), “Sonuncu və birinci gün” (1960), “Paliastomi” (1963), “Keçmişlə görüş” (1967, ssenari müəllifi Dolidze) “Şəhər erkən oyanır” (1968), “Semiramidanın bağları” (1971), “Sübh çağı qaçış” (1975) və s.

1980-cı ildə Dolidze “O insandırmı?” (İ.Çavçavadzenin əsəri üzrə, K.S.Dolidze ilə), 1983-cü ildə “Kukaraça” (N.V.Dumbadzenin əsəri üzrə, K.S.Dolidze ilə birlikdə, Ümumittifaq kinofestivalının mükafatı) filmlərini çəkmişdir. “Qartal yuvası” (1947) pyesinin, həmçinin hekayə və şeirlərin müəllifidir.

1983-cü ilin 17 iyulunda Tbilisi şəhərəndə dünyasını dəyişmiş (digər mənbələrə görə - 17 iyun^[2]). Didube panteonunda dəfn edilmiş.

Mükafatları

Gürcüstan SSR-nin əməkdar incəsənət xadimi (1941); Şimali Osetiyanın əməkdar incəsənət xadimi; Gürcüstan SSR-nın əməkdar artisti (1958); SSRİ xalq artisti (1965); Birinci dərəcəli Stalin mükafatı (1950) — “Curpayın qalxanı” filminə görə (1944); 2 dəfə "Qırmızı əmək bayrağı" ordeni (01.02.1939; 1950); "1941-1945-ci illər Böyük Vətən müharibəsində rəşadətli əməyə görə" medalı.

Mənbə

Azərbaycan Milli Ensiklopediyası (25 cilddə). Bakı: "Azərbaycan Milli Ensiklopediyası" Elmi Mərkəzi. ISBN 978-9952-441-00-0.

Xarici keçidlər

İstinadlar

↑ Большая советская энциклопедия. Гл. ред. А. М. Прохоров, 3-е изд. Т. 8. Дебитор — Евкалипт. 1972. 592 стр., илл.: 22 л. илл. и карт. 1 карта-вкл.
↑ "ДОЛИДЗЕ Семен Виссарионович". 2019-10-25 tarixində arxivləşdirilib. İstifadə tarixi: 2019-10-25.

[1] Большая советская энциклопедия. Гл. ред. А. М. Прохоров, 3-е изд. Т. 8. Дебитор — Евкалипт. 1972. 592 стр., илл.: 22 л. илл. и карт. 1 карта-вкл.

[2] "ДОЛИДЗЕ Семен Виссарионович". 2019-10-25 tarixində arxivləşdirilib. İstifadə tarixi: 2019-10-25.

[1]

[2]