Drymophila

Drymophila (lat. Drymophila) — bitkilər aləminin zanbaqçiçəklilər dəstəsinin alströmeriyakimilər fəsiləsinə aid bitki cinsi. Cinsin nümayəndələri 30 sm (D. moorei) və ya 40 sm (D. cyanocarpa) hündürlüyündəki kiçik ot bitkiləridir.

Drymophila
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Zanbaqçiçəklilər Fəsilə: Alströmeriyakimilər Cins: Drymophila
Beynəlxalq elmi adı
Drymophila R.Br., 1810
Şəkil axtarışı NCBI   117932

Bitkiyə ekvatorial meşələr və nəmli sklerofit meşələrdə rast gəlinir. Çoxillikdir, yazda çiçək açır. D. moorei növünün çiçəkləri bal arıları tərəfindən tozlanır. Bitkinin toxumları heyvanlar tərəfindən yayılır. Ağdan açıq-çəhrayı və ya bənövşəyi rəngə qədər dəyişə bilən çiçəkləri 1–1,5 sm diametrindədir və yarpaq qoltuqlarından tək-tək böyüyür və ya iki–üç çiçək şəklində toplanır.

Cinsin elmi adı "meşə" mənasını verən drimo (δρυμό) və "dost" mənasını filo (φίλος) sözlərindən ibarətdir və bu cinsin nümayəndələrinin yaşayış yerinə istinad edir.

Növləri

Cinsin hər ikisi Avstraliya üçün səciyyəvi olan iki növü var:

Şəkil	Ad	Təsvir	Yayılma arealı
	Drymophila cyanocarpa	Firuzəyi giləmeyvələr	Vətəni Tasmaniya, Viktoriya və Yeni Cənubi Uelsin cənubudur.
	Drymophila moorei	Narıncı giləmeyvələr	Vətəni Yeni Cənubi Uels və Kvinslendin şimalıdır