Edqar Rays Berrouz

Edqar Rays Berrouz (ing. Edgar Rice Burroughs; 1 sentyabr 1875 - 19 mart 1950)—ABŞ yazıçısı.

Edqar Rays Berrouz
ing. Edgar Rice Burroughs
Doğum tarixi	1 sentyabr 1875
Doğum yeri	ABŞ, İllinoys, Çikaqo
Vəfat tarixi	19 mart 1950 (74 yaşında)
Vəfat yeri	ABŞ, Kaliforniya, Ensino
Vəfat səbəbi	ürək tutması
Dəfn yeri	Tarzana[d]
Fəaliyyəti	romançı, ssenarist, fantastika yazıçısı[d], nasir, uşaq ədəbiyyatı yazıçısı, yazıçı
Fəaliyyət illəri	1912–1950
Əsərlərinin dili	ingilis dili
Janrlar	elmi fantastika, fantaziya
edgarriceburroughs.com
Edqar Rays Berrouz Vikimənbədə
Vikianbarda əlaqəli mediafayllar

Həyatı

1 sentyabr 1875-ci ildə Çikaqoda anadan olan yazıçı 1895-ci ildə Miçiqan hərbi akademiyasını bitirmiş, gənclik illərini Amerikanın uzaq qərbində keçirmiş, kovboy və qızılaxtaran olmuşdur. Berrouz klerk işlədiyi vaxt macəra hekayələri çap edən bayağı jurnallardakı elanları gözdən keçirir, eyni zamanda hekayələri oxumaq imkanını da əldən vermirdi. Oxuduqlarından ruhlanmış E.R.Beroouz həmin hekayələrə bənzər bir əsər yazmaq qərarına gəlir və 1912-ci ildə "Norman Bin" təxəllüsü ilə “Marsın Ayları altında” hekayəsini, Con Karterin Marsdakı sərgüzəştləri silsiləsindən ilk romanını çap etdirir. Daha sonra yaradıcılığının ən uca zirvəsi hesab edilən “Tarzan” silsiləsini qələmə almağa başlayır. Tarzan haqqında ümumilikdə iyirmidən çox kitab yazır.

E.R.Berrouzun əsərləri dünyanın bir çox dillərinə tərcümə olunmuş, dəfələrlə ekranlaşdırılmışdır.