Edvard Norton

Edvard Norton — Amerikalı aktyor, ssenarist, rejissör və prodüser.

Edvard Norton
Edvard Harrison Norton
Doğum adı	Edvard Harrison Norton
Doğum tarixi	18 avqust 1969
Doğum yeri	Boston, ABŞ
Vətəndaşlığı	ABŞ
Fəaliyyəti	Aktyor
Fəaliyyət illəri	1996-indiki dövr
Təhsili	Yel Universiteti (–1991)
Mükafatları	Qızıl qlobus mükafatı (1996)
IMDb	ID 0001570
www.edward-norton.org
Vikianbarda əlaqəli mediafayllar

Həyatı

Norton 1969-cu il 18 avqustda ABŞ-ın Massaçusets ştatının Boston şəhərində anadan olub. O, Merilen ştatının Kolumbiya şəhərində böyüyüb. Edvard 5 yaşından teatra maraqlanır və tezliklə Kolumbiyanın Orensteynov adlı teatr məktəbində təhsil almağa başlayır. 8 yaşında onun ilk səhnə debütü yerli bir tamaşada baş tutur. 1985-ci ildə Vayld Leyk adlı ali məktəbi bitirən Norton 1991-ci ildə Yels Universiteti tarix fakültəsindən bakalavr dərəcəsi ilə məzun olur. O, Yelsdə də həmişə olduğu kimi teatrla məşğul olur. Aktyor bir çox fakültələrə baş çəksə də, dram fakültəsi heç vaxt onun profili olmayıb. Aktyor Ron Livinqston onun qrup yoldaşı və onun kimi müstəqil aktyor olub. Edvard eyni zamanda yapon dilini öyrənir və NOVA Group adlı məşhur ingilis dili məktəbində təhsil alır. Diplom aldıqdan sonra o, Yaponiyaya gedir və babasının "Enterprise Foundation" adlı şirkətində işləməyə başlayır. Bir neçə il sonra, 1994-cü ildə Nyu-Yorka qayıdan Norton, əvvəlki işlərdən tam imtina etmək və özünü sırf aktyorluq karyerasına həsr etmək qərarına gəlir. Ofisiant işləyən Norton Nyu-Yorkun bir neçə teatr səhnəsində çıxış edir və nəticədə "New York Signature Theater Company" şirkətinə qəbul edilir. Hal-hazırda o, bu şirkətin direktorlar şurasının üzvüdür. Kinoda Edvardın ilk debütü 1996-cı ildə lentə alınmış "İbtidai qorxu" filmidir. Bu filmdəki roluna görə o, "Qızıl Qlobus" mükafatına layiq görülür və "Ən yaxşı ikinci plan aktyoru" kimi "Oskar"a namizəd göstərilir. Norton sonralarda namizədlər siyahısında olur. Məsələn, "Amerika taixi iks" Çak Palanikin motivləri əsasında ekranlaşdırılmış "Döyüş klubu" filmlərindəki rollarına görə də namizədlər siyahısına düşüb. 2000-ci ildə Edvard "İnamı saxlayarkən" filmi ilə ilk rejissorluq debütünü həyata keçirib. 2006-cı ildə lentə alınmış "İlluzianist" filmi ilə yenə də tənqidçilərin müsbət rəyinə nail olur.

Filmoqrafiya

1. Amerika əhvalatı İks (film, 1998) / American History X
2. Döyüş klubu (film, 1999) / Fight Club
3. 25-ci saat (film, 2002) / 25th Hour
4. Cənnətin krallığı (2005)/ Kingdom of Heaven
6. Sehrbaz (film, 2006)

Xarici keçidlər

http://cineline.az/category/mukafatlar/ Arxivləşdirilib 2013-01-29 at the Wayback Machine