Ehsan Zahidov

Ehsan Zahidov
Ehsan Zahidov
	Ehsan Əflan oğlu Zahidov
Azərbaycan Respublikası Daxili İşlər Nazirliyinin Mətbuat xidmətinin rəisi
	1 fevral 2017 – 10 iyul 2023
Azərbaycan Respublikası Daxili İşlər Nazirliyinin Mətbuat xidmətinin rəis müavini
	2010 – 1 fevral 2017
Şəxsi məlumatlar
Doğum tarixi	1 iyun 1963 (61 yaş)
Doğum yeri	Şamaxı, Şamaxı rayonu, Azərbaycan SSR, SSRİ;
Milliyyəti	azərbaycanlı
Vətəndaşlığı	SSRİ→; Azərbaycan
Təhsili	Azərbaycan Dövlət Universiteti (1982–1989),; Azərbaycan Respublikası Daxili İşlər Nazirliyinin Polis Akademiyası (1993–1997);
İxtisası	jurnalist, hüquqşünas
Rütbəsi	; Polis polkovniki (ehtiyatda)
Təltifləri

Ehsan Əflan oğlu Zahidov (1 iyun 1963, Şamaxı) — Azərbaycan Respublikası DİN-in Mətbuat xidmətinin rəisi (2017–2023), ehtiyatda olan polis polkovniki.

Həyatı

Zahidov Ehsan Əflan oğlu 1963-cü il iyun ayının 1-də Şamaxı rayonunda anadan olub. 1970–1980-ci illərdə orta təhsilini Qaradağ rayonu Səngəçal qəsəbəsindəki 222 nömrəli məktəbdə almışdır. 1982–1989-cu illərdə Azərbaycan Dövlət Universitetinin (indiki BDU) jurnalistika ixtisası üzrə ali təhsil almışdır. Ailəlidir, 3 qızı və 1 oğlu var.

Fəaliyyəti

1983–1985-ci illərdə Macarıstan Respublikasında hərbi xidmətdə olmuşdur. Qarabağ müharibəsi veteranıdır. 1990–1991-ci illərdə Təbiəti Mühafizə Komitəsinin "Fəryad" qəzetində müxbir kimi fəaliyyət göstərmişdir. 1992-ci ildən etibarən daxili işlər orqanlarında çalışır. 1993–1997-ci illərdə Daxili İşlər Nazirliyinin Polis Akademiyasında hüquqşünas ixtisası üzrə təhsil almışdır. Ehsan Zahidov uzun müddət Daxili İşlər Nazirliyinin Mətbuat Xidmətinin KİV və İctimaiyyətlə Əlaqələr şöbəsinə rəhbərlik edib. 2010-cu ildə Daxili İşlər Naziri Ramil Usubovun müvafiq əmri ilə polis polkovnik-leytenantı Ehsan Zahidov Daxili İşlər Nazirliyinin Mətbuat xidmətinin rəis müavini vəzifəsinə təyinat alıb. 2017-ci il fevral ayının 1-də Daxili İşlər Naziri, general-polkovnik Ramil Usubov müvafiq əmrinə əsasən, Daxili İşlər Nazirliyinin Mətbuat Xidmətinin rəisi müavini, polis polkovniki Ehsan Zahidov tutduğu vəzifədən azad edilərək Mətbuat xidmətinin rəisi təyin edilib. 10 iyul 2023-cü ildə Daxili İşlər Nazirliyinin Mətbuat xidmətinin rəisi polis polkovniki Ehsan Zahidov xidmətdə olmanın son yaş həddi ilə əlaqədar təqaüdə göndərilib.^[1]

Təltifləri

2005-ci ildə Daxili İşlər Naziri, general-polkovnik Ramil Usubovun əmri ilə "Əla" xidmətlərinə görə döş nişanı ilə təltif edilib.

(2007) — "Daxili işlər orqanlarında qüsursuz xidmətə görə" III dərəcəli medalı
(2007) — "Daxili işlər orqanlarında qüsursuz xidmətə görə" II dərəcəli medalı
(2012) — "Daxili işlər orqanlarında qüsursuz xidmətə görə" I dərəcəli medalı
(2018) — "Vətən uğrunda" medalı^[2]

İstinadlar

↑ "Ehsan Zahidov təqaüdə göndərilib". 2023-07-12 tarixində arxivləşdirilib. İstifadə tarixi: 2023-07-12.
↑ "Azərbaycan Respublikası Daxili İşlər Nazirliyinin əməkdaşlarının təltif edilməsi haqqında Azərbaycan Respublikasının Prezidentinin Sərəncamı". 2023-01-04 tarixində arxivləşdirilib. İstifadə tarixi: 2023-07-12.

[1] "Ehsan Zahidov təqaüdə göndərilib". 2023-07-12 tarixində arxivləşdirilib. İstifadə tarixi: 2023-07-12.

[2] "Azərbaycan Respublikası Daxili İşlər Nazirliyinin əməkdaşlarının təltif edilməsi haqqında Azərbaycan Respublikasının Prezidentinin Sərəncamı". 2023-01-04 tarixində arxivləşdirilib. İstifadə tarixi: 2023-07-12.

[1]

[2]