Elçin İmanov (şəhid)

(Elçin İmanov (Şəhid) səhifəsindən istiqamətləndirilmişdir)

Elçin İmanov (azərb. İmanov Elçin Beydulla oğlu‎) - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

Elçin İmanov
İmanov Elçin Beydulla oğlu
Elçin İmanov (şəhid).jpg
Doğum tarixi
Doğum yeri Bakı, Azərbaycan SSR
Vəfat tarixi (22 yaşında)
Vəfat yeri Bakı, Azərbaycan SSR
Milliyyəti Azərbaycanlı
Fəaliyyəti Qara Yanvar şəhidi.

Salyan şəhərindəki yaşadığı küçə və təhsil aldığı Şirvan şəhər 10 saylı orta məktəb onun adını daşıyır . Salyan Tarix – diyarşünaslıq muzeyində " ELÇİN guşəsi " açılıb . 1996 – cı il yanvarın 16 – da Tibb Universitetinin əsas korpusunun qarşısında " Şəhidlər bulağı " kompleksi açılıb . Bununla altı şəhidin xatirəsini əbədiləşdirən Tibb Universiteti Elçinin şəklini birinci yerdə asıb . Müsahibə zamanı o da məlum oldu ki , Elçinin qısa , lakin şərəfli ömrü Rafiq Səməndərin " Şəhidlər " kitabında öz əksini tapıb . Şair Oktay Rza " Elçin – türbəsi " , Ağacavad  Əlizadə " Mənim əvəzimə " , Malik Qədimov " Ağı – bayatılar " adlı şeirlərini onun xatirəsinə ittihaf edib .

ALLAH cəmi ŞƏHİDLƏRİMİZƏ RƏHMƏT ELƏSİN , AMİN !

HəyatıRedaktə

Elçin İmanov 1967-ci ilin 12 avqust tarixində anadan olub.

1974-cü il Əli Bayramlı(indiki Şirvan) şəhər 10 nömrəli orta məktəbin 1-ci sinfinə gedib.

1984-cü ildə orta məktəbi bitirib Azərbaycan Tibb Universitetinin stomatologiya fakültəsinə qəbul oldu.

Azərbaycan Tibb Universitetinin stomatologiya fakültəsinin 4-cü kurs tələbəsi idi. Yanvarın 19-dan 20-nə keçən gecə Elçin tələbə yoldaşları ilə leytenant Şmidt adına zavodun mədəniyyət evinin qarşısında olub. Əsgərlər silahsız adamlara atəş açmağa başlayanda o yaralanmış, yoldaşları onu 4 nömrəli xəstəxanaya aparmışlar. Elçinin qardaşı Fuad da onunla birlikdə olub. Elçin cərrahiyyə stoluna çatmamış həlak olub. Elçin İmanov Salyanda dəfn edilib. Qardaşı Fuadın dediklərindən:

  Yollarda barrikadalar qurmaq istəyənlərin, həmçinin bizim məqsədimiz heç də mərkəzi hakimiyyətin dediyi kimi mövcud quruluşu yıxmaq olmayıb. Bütün demokratik ölkələrdə olduğu kimi piketlər düzəltmək də nümayişlər keçirmək kimi etiraz formasıdır. Bəli, biz etiraz edirdik. Həm mərkəzi hakimiyyətə, həm də respublikanın başında duran rəhbər işçilərə. Moskva isə bizim dinc, suverenlik tələb edən, demokratiya tərəfdarı olan xalqımıza divan tutdu. Mən bunu heç vaxt bağışlamayacağam.  

Anası Zemfira xanımın , dedikləri :

– " Onunla son görüşümüz yanvarın 7-si oldu . Qardaşı Fuad da tələbəydi . Hər həftə sonu evə biri gəlirdi . Yanvarın 19-u Elçinin növbəsiydi , amma gözümüz yollarda qaldı . Elçinin yerinə qapımızı onun ölüm xəbəri döydü . Artıq , neçə ildir ki , Elçin aramızda yoxdur . Yeganə təsəllim oğlum Fuad və oğlumun adını daşıyan balaca nəvəmdir . "

ÜnvanRedaktə

Ev ünvanı: Əli Bayramlı şəhəri, S. Vurğun küçəsi 9, mənzil 3.

Həmçinin baxRedaktə

İstinadlarRedaktə

  • Qulu Kəngərli (1992). 20 Yanvar şəhidləri (PDF). Bakı: Gənclik. 312 səh. ISBN 4702060204. 2015-07-17 tarixində orijinalından (PDF) arxivləşdirilib. İstifadə tarixi: 2017-01-18.