Elçin Elxanlı

Elxanlı Elçin Elxan oğlu — Azərbaycan kino və televiziya rejissoru, ssenarist, prodüser və montajçı.

Elçin Elxanlı
Doğum tarixi	16 may 1991
Doğum yeri	Bakı, Azərbaycan
Peşələri	rejissor ssenarist prodüser montajçı
Milliyyəti	azərbaycanlı
Təhsili	ali
Fəaliyyət illəri	2009 - bu günə qədər

Həyatı

Elçin Elxanlı 16 may 1991-ci ildə Bakı şəhərində doğulub. 1998-ci ildə Bakının 175 saylı orta məktəbində təhsil almağa başlayır və 2009-cu ildə oranı bitirir. Elə həmin il Azərbaycan Dövlət Mədəniyyət və İncəsənət Universitetinin "Rejissor sənəti" fakültəsinə "Televiziya rejissoru" ixtisası üzrə qəbul olur. O, Azərbaycanın görkəmli rejissoru, əməkdar incəsənət xadimi, professor Tariyel Vəliyevin kursunda təhsil alıb. 2013-cü ildə universiteti fərqlənmə diplomu ilə bitirib.

Artıq tələbəykən müxtəlif prodakşınlarda, studiyalarda və telekanallarda işləməyə başlamışdır. Apro Group Production, Çarx Film , Art Global Production, Aysa Production, Space TV, Xəzər TV, Azad Azərbaycan TV , Region TV - Kanal-S , ARB TV və digər şirkətlərdə müxtəlif zamanlarda rejissor assistenti, ikinci rejissor, rejissor, redaktor, operator, montajçi, baş rejissor, şöbə müdiri vəzifələrində çalışmışdır.

2012-ci ilin əvvələrinə universitetin 3-cü kursunda təhsil alarkən ssenaristi, rejissoru və prodüseri olduğu ilk tammetrajlı "İnam" bədii filmini çəkməyə başlayır. Bu filmdə Səidə Quliyeva, Firəngiz Mütəllimova, Zemfira Nərimanova, Vəfa Zeynalova, Şahmar Qəribli kimi sənətkarlar təmənnasız çəkilirlər. Ümumilikdə 70-dən çox insan bu filmdə tamamiylə qanorarsız, təmənnasız gənc rejissora dəstək olmuşdular. Filmin təqdimat mərasimi 1 fevral 2013 ildə "Park Cinema" kinoteatrında baş tutmuşdu. 12 mayda isə filmin açıq təqdimatı "28 Cinema" kinotearında göstərilmişdir. Adı Çəkilən kinoteatrlarda nümayiş olunan ilk Azərbaycan kinosu məhz İnam filmi olmuşdur. Lakin kommersiya xarakteri daşımadığı üçün, film rejissor tərəfindən uzunmüddətli kinoprokata çıxarılmamışdır.

Elçin Elxanlı həm də Latın Amerika və Bal rəqsləri ilə məşğul olub və Renessans rəqs qrupunun üzvü olub (2007-2012). Bu illər ərzində müxtəlif konsertlərdə, müsabiqələrdə, televiziya layihələrində uğurla iştirak etmişdir.

2018-ci ildə bir müddət ABŞ-da yaşamışdır. "Maiden Tower Pictures" studiyasında rejissor kimi çalışıb.

Həmin ilin sonundan və hal hazırda "Iş Media" şirkətində rejissor vəzifəsində çalışır. ARB TV-də yayımlanan "Faydalı saat" verilişinin rejissorudur.

Filmoqrafiya

1. Ana 2011
2. Qovuşmaz Yolumuz 2011
3. Hörümçək toru 2011
4. Saat 2011
5. Pul kisəsi 2012
6. Atam kimi olacam 2012
7. Səninləyəm 2012
8. Ucalan səs 2012
9. Həyat Varsa 2012-2013
10. İnam 2013
11. Günahın göz yaşları 2013
12. ADMİU-90 2013
13. Qız yükü 2014
14. Darıxmağın rəngi 2014
15. Fobiya 2016
16. Kitabsız yazıçı 2016

TV layihələr

1. Burada və indi
2. Canlı Pul
3. Çarxlı ticarət
4. Zərif Qəhrəman
5. Günlərin bir günü
6. Aydın səs
7. Ferma
8. Həftə sonu
9. Faydalı saat