Elşad Mirbəşir oğlu

Elşad Mirbəşir oğlu
Elşad Mirbəşir oğlu
Doğum tarixi	27 iyul 1977 (43 yaş)
Doğum yeri	Topalhəsənli, Göygöl rayonu
Vətəndaşlığı	Azərbaycan
Milliyyəti	azərbaycanlı
Təhsili	Bakı Dövlət Universiteti
Fəaliyyəti	politoloq, siyasətçi
Tanınır	Siyasi elmlər doktoru, alim
Mükafatları

Elşad Mirbəşir oğlu (27 iyul 1977(1977-07-27), Topalhəsənli, Xanlar rayonu) — Azərbaycan Respublikası Milli Məclisinin deputatı,^[1] Yeni Azərbaycan Partiyasının İdarə Heyətinin üzvü,[1] Sosial Tədqiqatlar Mərkəzinin İdarə Heyətinin üzvü, sədr müavini^[2], Azərbaycan Respublikasının Korrupsiyaya qarşı Mübarizə üzrə Komissiyasının üzvü^[3], siyasi elmlər doktoru, alim, politoloq, Azərbaycan Respublikasının Prezidenti yanında Dövlət İdarəçilik Akademiyasının “Politologiya və siyasi idarəetmə” kafedrasında professor

HəyatıRedaktə

Elşad Mirbəşir 27 iyul 1977-ci ildə Göygöl (Xanlar) rayonunun, Topalhəsənli kəndində müəllim ailəsində anadan olub. 1984-cü ildə Göygöl şəhəri Səməd Vurğun adına 3 saylı orta məktəbin I sinfinə getmiş, 1994-cü ildə həmin məktəbi bitirmişdir.

Təhsili, elmi dərəcəsi və elmi adlarıRedaktə

1994-1998-ci illərdə Bakı Dövlət Universitetinin Sosial elmlər və psixologiya fakültəsini fərqlənmə diplomu ilə bitirmidir.
1998-2000-ci illərdə Sosial elmlər və psixologiya fakültəsinin politologiya ixtisası üzrə magistratura təhsilini fərqlənmə diplomu ilə bitirmişdir.
2002-2005-ci illərdə Politologiya və sosiologiya kafedrasında dissertant olmuşdur.
10 iyun 2005-ci ildə Azərbaycan Respublikasının Prezidenti yanında Dövlət İdarəçilik Akademiyasında “Siyasi münaqişələrin həllində üçüncü tərəfin iştirakı” mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyasının 14 iyul 2006-cı il tarixli qərarı ilə siyasi elmlər namizədi alimlik dərəcəsinə layiq görülmüşdür.
2008-ci ildə Azərbaycan Respublikasının Prezidenti yanında Dövlət İdarəçilik Akademiyasının "Politologiya və siyasi idarəetmə kafedrasına elmlər doktoru proqramı üzrə doktorant qəbul olunmuşdur.
2011-ci ildə Vyana Diplomatik Akademiyasında (Avstriya) elmi-tədqiqat işləri ilə məşğul olmuş və mühazirələr oxumuşdur.
2018-ci ildə “Müasir siyasi münaqişələrin nəzəri aspektləri və həlli texnologiyaları” mövzusunda doktorluq dissertasiyasını uğurla müdafiə etmiş və Siyasi elmlər doktoru elmi dərəcəsi almışdır. ^[4]

Əmək fəaliyyətiRedaktə

2002-2013-cü illərdə Bakı Dövlət Universitetinin Politologiya və sosiologiya kafedrasında müəllim kimi çalışmışdır.
2007-ci ilin sentyabrından Azərbaycan Respublikasının Prezidenti yanında Dövlət İdarəçilik Akademiyasının “Politologiya və siyasi idarəetmə” kafedrasında dosent vəzifəsində çalışır. ^[5]
2016-2019-cu illərdə AMEA-nın Hüquq və İnsan Haqları İnstitutunun Azərbaycan Respublikası Prezidentinin sərancamlarının icrası üzrə analitik şöbənin və Beynəlxalq Münasibətlər və İnsan Hüquqları şöbəsinin müdiri vəzifəsində çalışıb.
AMEA Hüquq və İnsan Haqları İnstitutunda Yeni Azərbaycan Partiyası təşkilatının sədri vəzifəsində çalışmışdır.
Prezident İlham Əliyevin 29 noyabr 2019-cu il tarixli sərəncamı ilə Sosial Tədqiqatlar Mərkəzinin İdarə Heyətinin üzvü təyin olunmuş, daha sonra isə Mərkəzin sədr müavini seçilmişdir.
2020-ci ilin 9 fevralında keçirilmiş seçkilərdə Azərbaycan Respublikasının VI çağırış Milli Məclisinin deputatı seçilmişdir. [2]
Azərbaycan Respublikasının Korrupsiyaya qarşı Mübarizə üzrə Komissiyasının üzvüdür. [3]
2021-ci ilin martın 5-də keçirilən Yeni Azərbaycan Partiyasının VII qurultayında partiyanın idarə heyətinin üzvü seçilmişdir. [4]
Azərbaycan Dövlət Televiziyasının şərhçisi və «Dünya bu gün» siyasi-analitik verilişinin aparıcısı kimi fəaliyyət göstərmişdir.
Yerli və beynəlxalq mediaya müsahibələrində bölgədə və dünyada baş verən hadisələri milli maraqlarımız kantekstindən şərh edir.
Bundan başqa, Yeni Azərbaycan qəzetinin siyasət şöbəsinin redaktorudur, “Yeni Azərbaycan” analitik qrupunun rəhbəri və Yeni Azərbaycan Partiyasının üzvüdür.
3 elmi monoqrafiyanın, 50-dən artıq elmi məqalənin, bir neçə tədris proqramının müəllifidir.
Alman, rus və türk dillərində sərbəst danışır.
Ehtiyatda olan zabitdir.

AiləsiRedaktə

Elşad Mirbəşir evlidir, iki övladı var.

Tədqiqat sahəsiRedaktə

Siyasi münaqişələr: mahiyyəti, quruluşu və həlli mexanizmləri.
Müasir hərbi-siyasi münaqişələr

Seçilmiş əsərləriRedaktə

Heydər Əliyevin müəyyənləşdirdiyi strategiya Azərbaycanıın ərazi bütövlüyünü bərpa edəcək!
Heydər Əliyev Azərbaycan Respublikasında yeni siyasi idarəetmənin banisidir.
Azərbaycanın mövcudluq və inkişaf dialektikasindan irəli gələn tələblər.
Etnosiyasi münaqişələrə müasir baxışlar.
Siyasi münaqişələrin həllində hərbi güc amili.
Siyasi münaqişələrin həllində vasitəçilik xidmətləri.
Müasir müharibələr silahlı münaqişənin bir növü kimi.
Müasir beynəlxalq münaqişələrin meydana gəlməsi, inkişafı həlli.
Danışıqlar siyasi münaqişələrin tənzimlənməsi vasitəsi kimi.
Siyasi münaqişələrin həllinin dinc və zorakı vasitələri.
Müasir beynəlxalq münasibətlər və terrorizm.
Böyük İpək Yolu: Azərbaycan Respublikasının strateji maraqları kontekstində.

KitablarıRedaktə

Siyasi münaqilər: mahiyyəti, quruluşu, həlli.

MükafatlarıRedaktə

2019-cu ildə Prezident İlham Əliyevin Sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.^[6]

İstinadlarRedaktə

[1] ttps://report.az/milli-meclis/vi-cagiris-milli-meclisin-deputatlari-si-yahi/

[2] Tanınmış politoloq sədr müavini oldu

[3] ttps://meclis.gov.az/?/az/law/2467

[4] ttps://azvision.az/news/198795/taninmis-politoloq-sedr-muavini-oldu.html^{[ölü keçid]}

[5] ttp://dia.edu.az/az/content/164

[6] ttps://report.az/siyasi-xeberler/daxili-siyaset/sosial-tedqiqatlar-merkezinin-emekdaslarina-cumhuriyyet-medali-teqd/

[1]

[2]

[3]

[4]

[5]

[6]