Elşad Nağıyev
Elşad Nağıyev (azərb. Elşad Arif oğlu Nağıyev; d.11 avqust 1963, Culfa r., NMR – ö. 8 sentyabr 1994) — şəhid polkovnik-leytenant[1].
| Elşad Nağıyev | |
|---|---|
| Elşad Arif oğlu Nağıyev | |
 | |
| Şəxsi məlumatlar | |
| Doğum tarixi | |
| Doğum yeri |
NMR Culfa |
| Vəfat tarixi | (31 yaşında) |
| Vəfat yeri | Sədərək rayonu |
| Vətəndaşlığı |
 SSRİ→ Azərbaycan |
| Təhsili |
|
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü | Quru qoşunları |
| Xidmət illəri | 1986-1994 |
| Rütbəsi | Polkovnik-leytenant |
| Döyüşlər | Əfqanıstan müharibəsi, Qarabağ müharibəsi |
| Təltifləri |
 |
Həyatı redaktə
Elşad Arif oğlu Nağıyev 1963-cü il avqust ayının 11-də Naxçıvan Muxtar Respublikasının Culfa rayonunda anadan olmuşdur. 1980-ci ildə Culfa şəhərində orta məktəbi bitirmişdir. Ailəli və iki övladı var idi.
Fəaliyyəti redaktə
Hərbi fəaliyyəti redaktə
Ukraynanın Donetsk şəhərində Ali Hərbi məktəbi zabit kimi bitirib, Sovet ordusunda hərbi xidmətə başlamışdır. Bir neçə ay Ukraynada qulluq etdikdən sonra Sovet qoşunlarının tərkibində Əfqanıstana göndərilən Elşad Nağıyev 1986-cı ilin mart ayında oradan qayıtmışdır. Bundan sonra 271-ci taburda bölük komandirinin siyasi işlər üzrə müavini, 342-ci alayda bölük komandirinin müavini, 329-cu, 34-cü, 370-ci alaylarda komandir müavini işləmiş, 1990-1993-cü illərdə Ali Hərbi Siyasi Akademiyada təhsil almışdır.
1992-ci ildən Azərbaycan Milli Ordusunun 754 nömrəli hərbi hissəsində komandir kimi çalışan Elşad Nağıyevin Milli Ordumuzun formalaşmasında çox böyük xidmətləri olmuşdur. O, Ordubad rayonunun “Soyuq” adlanan sərhəd ərazilərinin erməni təcavüzündən qorunmasında böyük rol oynamışdır. Onun rəhbərlik etdiyi hərbi hissə Ermənistanla sərhəd olan ən odlu nöqtəyə-Sədərək bölgəsinə göndərilmişdir. Bu bölgənin düşməndən müdafiəsini təşkil etməklə yanaşı həm də o, Sədərəkdə texniki-döyüş və istehkam qurğularının yaradılmasında, orduda intizamın möhkəmləndirilməsində çox böyük xidmətlər göstərmişdir[1].
Vəfatı redaktə
Ordu quruculuğunda və torpaqlarımızın müdafiəsindəki xidmətlərinə görə vaxtından əvvəl polkovnik-leytenant rütbəsinə layiq görülən Elşad Nağıyevə bu rütbəni daşımaq qismət olmamışdır. O, 1994-cü il sentyabrın 8-də Sədərək bölgəsində xidməti vəzifəsini yerinə yetirərkən şəhid olmuşdur.
Mükafatları redaktə
Həmçinin bax redaktə
İstinadlar redaktə
- ↑ 1 2 3 "Azərbaycan Respublikası Müdafiə Nazirliyinin hərbi qulluqçularının təltif edilməsi". 2019-07-15 tarixində arxivləşdirilib. İstifadə tarixi: 2019-07-15.