Elariz Məmmədoğlu

Elariz Məmmədoğlu (tam adı: Elariz Məmməd oğlu Salmanov) — azərbaycanlı müğənni.

Elariz Məmmədoğlu
Elariz Məmməd oğlu Salmanov
Ümumi məlumatlar
Doğum tarixi (57 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti Azərbaycanlı
Musiqiçi məlumatları
Fəaliyyəti müğənni
Fəaliyyət illəri 1997-ci ildən
Janr rok-n-roll
Təhsili

HəyatıRedaktə

Elariz Məmmədoğlu 1964-cü il dekabrın 17-də Bakıda doğulub. Hüseyn Cavid adına 132 saylı orta məktəbdə təhsil alıb. 1982-ci ildə Mirzağa Əliyev adına Dövlət İncəsənət İnstitutunun rejissorluq fakültəsinə daxil olub. 1983-1985-ci illərdə Leninqrad, Petrozavodsk, Murmansk şəhərlərində hərbi xidmət keçib. İlk dəfə səhnəyə 16 yaşında müğənni kimi çıxıb. Məktəbdə fəaliyyət göstərən xor dərnəyində vokalçı-solist olub. 1992-1994-cü illərdə musiqiçi kimi çalışıb. 1994-cü ildən mügənnilik sənətini davam etdirib. Müğənni kimi peşəkar fəaliyyətə 1997-ci ilin yanvarında başlayıb. Səsi lirik tenordur, repertuarı çoxşaxəlidir. Estradanın folk-pop janrında çalışır, müxtəlif dillərdə mahnılar oxumağı bacarır.

2000-ci ildə "Devuşka v pesoçnom sarafane" hitiylə məşhurlaşıb. 2000-ci ildə tvist üslubunda "Tup-tup" mahnısına klip çəkilib və böyük müvəffəqiyyət qazanıb. 2001-ci ildə rok-n-roll üslubunda "Dans-dans" mahnısı və klipi uğur qazanıb. 2002-ci ildə şəhər şlyaqeri üslubunda "Abşeron torpağı" mahnısı radiolarda top-onluqlarda liderlik qazanıb. Bu mahnıya da klip çəkilib. 2003-cü ildə flamenko üslubunda "Guya" adlanan mahnısı ziyalılar arasında sevilib. 2003-cü ildən bu günə qədər hit olan "Doroqa" mahnısı radiolarda səslənib və 2004-cü ildə bu mahnıya klip çəkilib.

2018-ci ildə Qrin kard qalibi olaraq ABŞ-a köçüb, orada "Bakı" restoranında müğənni kimi çalışır.

FilmoqrafiyaRedaktə

  1. Bir dəfə Qafqazda (film, 2007)
  2. Kişiləri qoruyun (film, 2006)
  3. Qış nağılı. I film (film, 2002)
  4. Məhəllə (film, 2003)
  5. Məşədi İbad-94 (film, 2005)
  6. "Moskva-Bakı" qatarı (film, 2005)
  7. Oyunçu (film, 2008)
  8. Yanmış körpülər (film, 2007)