Elbəyi Quliyev
Elbəyi Quliyev (14 oktyabr 1995[1][2], Yekaterinburq) — Azərbaycanın keçmiş peşəkar futbolçusu.
| Elbəyi Quliyev | |
|---|---|
| Ümumi məlumatlar | |
| Doğum tarixi | 14 oktyabr 1995[1][2] (29 yaş) |
| Doğum yeri | |
| Vətəndaşlığı | |
| Mövqeyi | yarımmüdafiəçi |
Klub karyerası
redaktəUral FK
redaktəElbəyi Quliyev "Ural FK"-nın gənclər komandasının yetirməsidir.[3]
O, "Ural"da peşəkar debütünü 19 mart 2016-cı ildə Rusiya Premyer Liqasında "Terek"lə səfərdə 1:1 hesablı heç-heçə bitmiş oyunda etmiş, matçın ikinci hissədə əvəzedici kimi meydana çıxmışdı.[4]
Quliyev məşqlərini "Ural FK"-nın əvəzedici heyətində etmiş, bu səbəbdən də klubda çıxış etdiyi dövrdə Azərbaycan və Ermənistan Silahlı Qüvvələrinin Qondarma Dağlıq Qarabağ Respublikasının hərbi birləşmələri arasında baş vermiş Aprel döyüşləri zamanı həmin döyüşlər səbəbilə klubun digər üzvü, əsas heyətdə çıxış edən erməni əsilli Edqar Manuçaryan ilə arasında problem yaranmadığını və həmin futbolçu ilə ünsiyyətdə olmadığını bildirmişdir.[5]
Jetısu FK
redaktəElbəyi Quliyev 8 iyul 2015-ci ildə Qazaxıstanın "Jetısu FK" komandasına icarəyə verilmişdir.[6] O, klubda ilk qoluna 31 oktyabr 2015-ci ildə Qazaxıstanın "Kaysar FK" komandasına qarşı ev oyununda 2-1 hesabı ilə qalib gələrkən imza atmışdır.[7]
Neftçi FK
redaktəElbəyi Quliyev "Neftçi PFK"-da icarə əsasında çıxış etmək istəsə də, klub rəhbərliyi ilə razılaşa bilməmiş, ona futbolla daha əvvəl məşğul olmayan şəxs kimi münasibət göstərildiyini və ikinci bir şans verilsə, nəinki "Neftçi PFK"-da, hətta Azərbaycan Premyer Liqasının heç bir klubunda çıxış etmək istəmədiyini bildirmişdir.[5] Bu iddialara cavab olaraq klubun baş məşqçisi Vəli Qasımov əsas komanda ilə əvəzedici komandanın yoxlama oyunu keçirilərkən Elbəyi Quliyevin əsas heyətdə oyuna çıxdığını, lakin ilk hissə başa çatmamış məşqçilər heyətinin onu əvəz etdiyini, bu səbəbdən də özünü doğrultmayan idmançı ilə yolları ayırdıqlarını qeyd etmişdir.[8]
Milli Komanda
redaktəElbəyi Quliyev 2014-cü ilin oktyabrında Frankfurtda, 2015-ci ilin martında isə Bakıda keçirilən 21 yaşadək futbolçulardan ibarət Azərbaycan yığmasının təlim-məşq toplanışına çağırılıb.[9][10] Almaniyada keçirilən təlim-məşq toplanışında olarkən Rusiyanın “Ural FK” komandasının şərəfini qoruyan[11] Elbəyi Quliyev yığma komandanın “Pirmazens FK”-ya qarşı keçirdiyi və 4:1 hesabı ilə qalib gəldiyi yoxlama oyununda qol vuraraq fərqlənmişdir.[9]
İstinadlar
redaktə- ↑ 1 2 Elbeyi Guliyev // Transfermarkt (çd.). 2000.
- ↑ 1 2 Elbeyi Guliyev // FBref (çd.).
- ↑ Профиль на официальном сайте «Урал» Arxiv surəti 30 mart 2016 tarixindən Wayback Machine saytında Arxivləşdirilib mart 30, 2016, at the Wayback Machine
- ↑ "Terek-Ural Match Report". Russian Premier League. 19 March 2016. 13 June 2019 tarixində arxivləşdirilib. İstifadə tarixi: 2 August 2024.
- ↑ 1 2 "Elbəy Quliyev: Neftçidə baş verənləri unutmuşam, onlara cavab vermək istəmirəm". www.azerisport.com (az.). 8 aprel 2016. 2024-08-02 tarixində arxivləşdirilib. İstifadə tarixi: 2 avq 2024.
- ↑ "Четыре футболиста "Рубина" перешли в "Жетысу"". sport.nur.kz (Russian). nur.kz. 8 July 2015. 7 November 2017 tarixində arxivləşdirilib. İstifadə tarixi: 2 August 2024.
- ↑ "ZHETYSU VS. KAISAR 2 - 1" (English). soccerway. 31 October 2015. 2 August 2024 tarixində arxivləşdirilib. İstifadə tarixi: 2 August 2024.
- ↑ (az.). azerisport.com. 8 aprel 2016 https://www.azerisport.com/m/az/futbol/20160408171824591.html (#bare_url_missing_title). İstifadə tarixi: 3 avqust 2024.
- ↑ 1 2 "U21 qalib gəlib". www.affa.az (Azerbaijani). AFFA. 8 October 2014.
- ↑ "U21-in Bakıda toplanışı olacaq". www.affa.az (Azerbaijani). AFFA. 19 March 2015. 5 March 2017 tarixində arxivləşdirilib. İstifadə tarixi: 2 August 2024.
- ↑ "Millimiz Almaniyaya 19 futbolçu ilə gedir" (az.). newsport.az. 01 oktyabr 2014. 3 avqust 2024 tarixində arxivləşdirilib.