Elgün Xanoğlanlı
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 2 ay əvvəl Grenzsoldat (müzakirə | töhfələr) tərəfindən redaktə olunub. (Yenilə) |
Elgün Xanoğlanlı (d.1992, Füzuli ray., Əhmədbəyli k.) — Amerikanın azərbaycanlı çempionu.[1], Amerika-Azərbaycan Gənclər və İdman Assosiasiyasının sədri[2]
| Elgün Xanoğlanlı | |
|---|---|
| Şəxsi məlumatlar | |
| Vətəndaşlığı |
 Azərbaycan |
| Doğum tarixi | |
| Doğum yeri | Füzuli rayonu, Əhmədbəyli kəndi |
| İdman növü | Budo döyüş növləri |
Həyatı redaktə
Elgün Xanoğlanlı 1992-ci ildə Füzuli rayonunun Əhmədbəyli kəndində dünyaya gəlib. 2009-cu ildə orada orta təhsilini başa vurub. 2010-2012-ci illərdə əsgəri xidmətdə olub. 2012-ci ildə BP-nin Bakıdakı idarələrindən birində əmək fəaliyyətinə başlayıb. 2016-cı ildə ABŞ-yə dəvət alanadək orada çalışıb.
Fəaliyyəti redaktə
İdman fəaliyyəti redaktə
Nyu York şəhərində yaşayan Elgün Xanoğlanlı "Bruklin MMA" idman klubunun UFC ulduzu olan Diaz qardaşlarının zalında məşq edir. 2001-ci ildən karatenin kyokuşhin növü üzrə idmanla məşğul olub. 2004, 2005-ci illərdə kyokuşhin üzrə Azərbaycan çempionu olub. 2009-cu ildə məşğul olduğu idman növünü dəyişərək MMA- qaydasız döyüşə başlayıb. Hərbi xidmətə çağrılanadək Bakıda Şüa idman klubunda məşqlərini davam etdirib, bu idman növü üzrə də müvəfəqqiyyət əldə edərək Azərbaycan çempionu olub. 2012-ci ildə ordudan tərxis olunduqdan sonra "Buda döyüş növləri federasiyası"nın dəvəti ilə orada məşqlərə başlayıb. Tezliklə MMA döyüş növü üzrə Moldovada keçirilən Avropa çempionatında 60 kq çəki üzrə yarışın qalibi olub, Avropa çempionu adına layiq görülüb. 2014-cü ildə Ukraynanın Xarkov şəhərində keçirilən dünya çempionatında MMA üzrə Dünya çempionu tituluna yiyələnib.[3]
Dünyanın bir sıra ölkələrində - İtaliya, İran, Türkiyə, Estoniya, Belarusiya, Gürcüstan, Şimali Kiprdə Azərbaycanı ləyaqətlə təmsil edib. 2015-ci ildə Şimali Kiprdə keçirilən yarışda ən yüksək pilləyə qalxaraq Dünya kubokuna sahib çıxıb. 2018-ci ildə ECF təşkilatının keçirdiyi yarışda qələbə qazanaraq Amerika çempionu titulunu əldə edib.
Diaspor fəaliyyəti redaktə
2023-cü il iyul ayında ABŞ-da yaradılan Amerika-Azərbaycan Gənclər və İdman Assosiasiyasının sədri seçilib.[4]
Həmçinin bax redaktə
Xarici keçidlər redaktə
İstinadlar redaktə
- ↑ "ABŞ-nin 26 yaşlı azərbaycanlı çempionu – Foto". 2023-07-08 tarixində arxivləşdirilib. İstifadə tarixi: 2019-01-16.
- ↑ "Azərbaycanlı dünya çempionu ABŞ-da təşkilat sədri oldu". 2023-07-08 tarixində arxivləşdirilib. İstifadə tarixi: 2023-07-07.
- ↑ "ABŞ-yə köçən idmançı:". 2023-07-08 tarixində arxivləşdirilib. İstifadə tarixi: 2019-01-16.
- ↑ "ABŞ-da Amerika-Azərbaycan Gənclər və İdman Assosiasiyası yaradılıb". 2023-07-08 tarixində arxivləşdirilib. İstifadə tarixi: 2023-07-07.