Elmira Vəliyeva
Bu məqaləni vikiləşdirmək lazımdır. |
Vəliyeva Elmira Bağır qızı — geologiya-mineralogiya elmləri doktoru.
| Elmira Vəliyeva | |
|---|---|
| Vəliyeva Elmira Bağır qızı | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Elmi dərəcəsi | geologiya-mineralogiya elmləri doktoru |
| Mükafatları |
 |
Həyatı
redaktəVəliyeva Elmira Bağır qızı 1936-cı ildə Bakı şəhərində anadan olmuşdur. 1959-cu ildə mühəndis-geoloq ixtisası üzrə Azərbaycan Neft və Kiyma İnstitutunun (indiki ADNSU) geoloji-kəşfiyyat fakültəsini bitirmişdir. İnstitutu qurtardıqdan sonra "Orcanikidzeneft" NMİ-də əmək fəaliyyətinə neft çıxarılmasının təkrar üsulları sexində operatorluqdan başlamışdır. Sonra "Qum adası" NMİ-nin ETİS-də mühəndis, böyük geoloq vəzifələrində işləmişdir. 1967-ci ildə "Xəzərdənizqaz" Birliyində istehsalat şöbəsinin geoloqu vəzifəsinə təyin olunmuşdur. 1973-1992-ci illərdə Azərbaycan Elmlər Akademiyasının Dərin Neft və Qaz Yataqlarının Problemləri İnstitutunun "Neft və qaz ehtiyatlarının hesablanması" laboratoriyasında böyük elmi işçi vəzifəsində işləmişdir. Vəliyeva E.B. Balaxanı-Sabunçu-Ramana, Suraxanı, Qaraçuxur, Qala, Lökbatan-Puta-Quşxana, Bibiheybət və s. kimi iri yataqların karbohidrogen ehtiyatlarının hesablanması üzrə elmi mövzuların məsul icraçısı olmuşdur. 1974-cü ildə Vəliyeva E.B. "Bakı arxipelaqının neft və qaz yataqlarının səmərəli işlənməsi məqsədilə geoloji-mədən tədqiqatları" mövzusunda namizədlik dissertasiyası müdafiə etmişdir. 1982-1985-ci illərdə Vəliyeva E.B. Vyetnamda "Vyetsovpetro" birgə müəssisəsində tematik partiyada böyük geoloq vəzifəsində işləmişdir. Onun rəhbərliyi altında Cənubi Çin dənizinin Vyetnam sektorunun neft və qaz ehtiyatlarının hesablanması və neft-qazlılıq perspektivliyinin qiymətləndirilməsi üzrə işlər aparılmışdır. 1993-cü ildə Vəliyeva E.B. "Neft və qaz yataqlarının təbii ehtiyatlarının kompleks qiymətləndirilməsinin geoloji əsasları" mövzusunda doktoqluq dissertasiyası müdafiə etmişdir. 1991-ci ildən Vəliyeva E.B. neft və qazçıxarma üzrə İstehsalat Birliyini neft və qaz yataqlarının işlənməsi şöbəsində aparıcı mühəndis, 1992-ci ildən Azərbaycan Respublikası Dövlət Neft Şirkətində baş mütəxəssis, 1995-2009-cu illərdə isə neft və qaz yataqlarının işlənməsi və ehtiyatlarının uçotu şöbəsinin rəisi vəzifələrində işləmişdir. 2010-cu ildən AMEA-nın Geologiya İnstitutunda (indiki Geologiya və Geofizika İnstitutu) işləyir. "Neft-qaz-mədən geologiyası və geofizikası" şöbəsinin rəhbəridir.
Elmi fəaliyyət
redaktəElmi tədqiqat sahələri: uzun müddət işlənilən neft və qaz yataqlarının geoloji mədən və geofiziki parametrlərinin modelləşdirilməsi. Kollektor süxurların filtrasiya həcm xüsusiyyətlərinin öyrənilməsi məqsədi ilə metodoloji əsasların yaradılması və təkmilləşdirilməsi və işlənilmə göstəricilərinə onların təsirinin qiymətləndirilməsi. Neft və qaz yataqlarının işlənməsinin vaxt ərzində əsas göstəricilərinin dəyişməsinin analizi.[1]
Vəliyeva E.B. 90-dən çox elmi işin, həmçinin 2 monoqrafiyanın müəllifidir.
"Tərəqqi" medalı ilə , ARDNK-nın fəxri fərmanı ilə təltif edilib və Azərbaycan prezidentinin fərdi təqaüdçüsüdür.[1]
Mənbə
redaktə- "Azərbaycanın geoloq və geofizik alimləri" // Bakı, "Nafta-Press" nəşriyyatı, 2004, 362 s.