Elnarə Ələkbərova

Elnarə Nadir qızı Əliyeva (Ələkbərova) — Azərbaycan dilçisi və türkoloq alimi. [Mənbə göstərin]

Elnarə Əliyeva (Ələkbərova)
Əliyeva Elnarə Nadir qızı
Şəkil yoxdur.jpg
Doğum tarixi (43 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Elm sahəsi türkologiya
Elmi dərəcəsi filologiya üzrə fəlsəfə doktoru
Elmi adı dosent
İş yeri AMEA-nın Nəsimi adına Dilçilik İnstitutu, türk dilləri şöbəsi

HəyatıRedaktə

Elnarə Nadir qızı Əliyeva (Ələkbərova) 24 sentyabr 1977-ci ildə Bakı şəhərində anadan olmuşdur. 1984-94-cü illərdə Bakının Yasamal rayonundakı 176 saylı məktəbində orta təhsil almışdır. 1994-cü ildə Bakı Dövlət Universitetinin filologiya fakültəsinə daxil olmuş, 1998-ci ildə həmin fakültəni fərqlənmə diplomu ilə bitirmişdir. Təhsil illərində göstərdiyi yüksək göstəriciyə görə Nizami Gəncəvi adına təqaüdə layiq görülmüşdür.

1998-ci ildə həmin fakültənin magistraturasına qəbul edilmiş, 2000-ci ildə oranı bitirmişdir. Həmin ildə Azərbaycan Milli Elmlər Akademiyası Nəsimi adına Dilçilik İnstitutuna "Türk dilləri" ixtisası üzrə aspiranturaya qəbul olunmuşdur. Aspiranturanı bitirib 02 yanvar 2004-cü ildə AMEA Nəsimi adına Dilçilik İnstitutunun Türk dilləri şöbəsinə kiçik elmi işçi kimi işə qəbul olunmuşdur. 2006-cı ildə "Kitabi-Dədə Qorqud" oğuz dilləri kontekstində" mövzusunda namizədlik dissertasiyasını uğurla müdafiə etmiş və filologiya elmləri namizədi alimlik dərəcəsi almışdır. 07 yanvar 2008-ci ildə Türk dilləri şöbəsində elmi işçi, 24 iyun 2010-cu ildə böyük elmi işçi vəzifəsinə təyin olunmuşdur. Azərbaycan Respublikasının Prezidenti yanında Ali Attestasiya Komissiyasının 28 mart 2012-ci il tarixli qərarı ilə Türk dilləri ixtisası üzrə dosent elmi adına layiq görülmüşdür. 01 fevral 2012-ci ildə AMEA Humanitar və İctimai Elmlər Bölməsinin aparıcı mütəxəssisi, 01 avqust 2012-ci ildə isə baş mütəxəssisi vəzifəsinə qəbul olunmuş. 01 fevral 2013-cü ildən 06 avqust 2014-cü ilədək həmin Bölmənin elmi katibi vəzifəsində çalışmışdır. 2014-2019- cu illərdə Azərbaycan Respublikasının Prezidenti yanında Bilik Fondunda ştatdankənar baş mütəxəssis vəzifəsində çalışmışdır. Hal-hazırda Azərbaycan Milli Elmlər Akademiyası Nəsimi adına Dilçilik İnstitutunun Türk dilləri şöbəsində aparıcı elmi işçi vəzifəsində çalışır. Ölkə daxilində, eləcə də xaricdə keçirilən beynəlxalq konfranslarda məruzələr etmişdir.

E.N.Əliyeva pedaqoji fəaliyyətlə də məşğul olmuşdur. Yasamal rayonundakı 175 saylı orta məktəbdə, Bakı Slavyan Universitetində, həmçinin AMEA İ.Nəsimi adına Dilçilik İnstitutunun Təhsil şöbəsində (magistratura pilləsi üzrə)qeyd edilən istiqamətdə fəaliyyət göstərmişdir.

Ailəlidir, bir övladı var. 1 monoqrafiya, 3 kitab (həmmüəllif), 60-dan çox məqalənin müəllifidir.

ƏsərləriRedaktə

  • Türk dillərinin tarixi-müqayisəli leksikologiyası məsələləri, I cild (kitab) Bakı, BSU,"Kitab aləmi",2004, 332 s. (Həmmüəllif)
  • Dilimizin ulu səsi-Dədə Qorqud abidəsi (Monoqrafiya). Bakı, "Nurlan", 2007, 240 s.
  • Türk dillərinin tarixi-müqayisəli leksikologiyası məsələləri.II cild (Kitab). Bakı, "Nurlan", 2008 Bakı, 366 s. (Həmmüəllif)
  • Türk dillərində kəmiyyət kateqoriyasının ifadə üsulları. Məqalə. Varlıq dərgisi, 2010. Varlıq dərgisi, 2010, s.45-52 (8).
  • Çağdaş Türkçenin Türk Dünyası İçin Ortak Dil Olma Sürecinde Ortak Dilbilimi Terimleri Arama Sorunları Məqalə. III Uluslararası Dünya Dili Türkçe Sempozyumu. İzmir Aralık 2011, Bildiri Kitabı. .s.70-75 (6)
  • Türk dillərində nitq hissələri və onların adları. Məqalə. Tədqiqlər, № 4, 2009, s.49-59(11)

İstinadlarRedaktə