Elnur Nuriyev

Elnur Eyvaz oğlu Nuriyev (22 avqust 1975, Cahangirbəyli, Zəngilan rayonu – 4 oktyabr 1994, Gəncə) — Azərbaycanın Milli Qəhrəmanı, Birinci Qarabağ müharibəsi iştirakçısı, 1994-cü il 4 oktyabr hadisələri şəhidi.

Elnur Nuriyev
Elnur Eyvaz oğlu Nuriyev
Şəxsi məlumatlar
Doğum tarixi	22 avqust 1975
Doğum yeri	Cahangirbəyli, Zəngilan rayonu, Azərbaycan SSR, SSRİ
Vəfat tarixi	5 oktyabr 1994 (19 yaşında)
Vəfat yeri	Gəncə şəhəri, Azərbaycan
Vəfat səbəbi	şəhid olmuşdur.
Dəfn yeri	Kürdəmir Şəhidlər Xiyabanı
Hərbi fəaliyyəti
Rütbəsi	çavuş
Döyüşlər	Birinci Qarabağ müharibəsi Azərbaycanda dövlət çevrilişinə cəhd (1994)
Təltifləri

Həyatı

Elnur Nuriyev 22 avqust 1975-ci ildə Zəngilan rayonunun Cahangirbəyli kəndində dünyaya göz açmışdır. 1982–1992-ci illərdə burada kənd orta məktəbində təhsil almışdır. Elnur 1993-cü ildə Milli Ordu sıralarına çağırılır.

Döyüşlərdə iştirakı

Bir müddət təlim keçdikdən sonra Elnur Nuriyev cəbhəyə göndərildi. O, Füzuli rayonunun Kürdmahmudlu, Alxanlı kəndlərində rəşadətlə vuruşmuşdur. Elnur minaaxtaranlar bülüyünə komandir təyin edilmişdi. Tərtər cəbhəsində ermənilər güclü əks hücuma keçərək bir neçə kəndi işğal etmişdilər. Elnur bölüyü ilə həmin əraziyə göndərildi. Qapanlı, Seysulan kəndləri azad edildi buradakı döyüşlərdə Elnur şücaət göstərərək vuruşmuşdu. 1994-cü il 4-5 oktyabr hadisələri zamanı onu Gəncəyə göndərdilər. Dövlət çevirilişinə cəhd edən silahlı dəstənin zərərsizləşdirilməsi zamanı Elnur döyüş tapşırığını yerinə yetirərkən həlak oldu.

Ailəsi

Subay idi.

Milli Qəhrəman

Azərbaycan Respublikası prezidentinin 5 oktyabr 1994-cü il tarixli 215 saylı fərmanı ilə Nuriyev Elnur Eyvaz oğluna ölümündən sonra "Azərbaycanın Milli Qəhrəmanı" adı verilmişdir.

Kürdəmir şəhərinin Şəhidlər xiyabanında dəfn edilib.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 233.

Xarici keçidlər

• Nuriyev Elnur Arxivləşdirilib 2014-10-22 at the Wayback Machine
• Elnur Nuriyev Arxivləşdirilib 2011-11-17 at the Wayback Machine