Elxan Nuriyev (coğrafiyaçı)

Elxan Nuriyev Balahəsən oğlu (d.1947-ci il iyunun 6-da Şamaxı rayonunun Göylər kəndi) — dosent, professor.

Elxan Nuriyev
Elxan Nuriyev Balahəsən oğlu
Doğum tarixi	6 iyun 1947
Doğum yeri	Göylər, Şamaxı rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Atası	Balahəsən Nuriyev
Elmi dərəcəsi	professor
Təhsili	Azərbaycan Dövlət Universiteti
Mükafatları	"Fəxri fərman"

Həyatı

1947-ci ildə Şamaxı rayonunun Göylər kəndində anadan olmuşdur.1964-cü ildə Göylər kənd onbirillik məktəbini, 1969-cu ildə Azərbaycan Dövlət Universitetinin Geoloji-coğrafiya fakültəsinin Coğrafiya bölməsinin bitirmişdir.

Elni fəaliyyəti

• 1976-cı ildə AMEA-nın Coğrafiya İnstitutunun Xəritəçilik və coğrafi adlar (toponimika) şöbəsində işləmişdir.

• 1983-cü ildə “Şəki-Zaqatala zonasının yaşayış məntəqəsi adlarının tədqiqi” mövzusunda namizədlik dissertasiyası müdafiə etmişdir.

• 1985-ci ildə baş elmi işçi, sektor müdiri olmuşdur.

• 1990-cı ildən Bakı Dövlət Universitetinin “Xarici ölkələrin iqtisadi-siyasi coğrafiyası və turizm” kafedrasının dosentidi.

• 2001-ci ildən Beynəlxalq Eko-Enerji Akademiyasının professorudur.

• 2005-ci ildən BDU-nin Coğrafiya fakültəsində Hümanitar və Sosial məsələlər üzrə dekan müavini vəzifəsində çalışır.“Coğrafi reallığın Azərbaycan toponimiyasında tədqiqi” mövzusunda doktorluq dissertasiyası işini tamamlamışdır.

Elmi əsərləri

E.B.Nuriyev 100-ə qədər elmi əsərin, o cümlədən monoqrafiya, dərslik, metodik göstərişin və s. müəllifidir. “Azərbaycan toponimləri” (1999-cu il) ensklopedik lüğətin əsas müəlliflərindən biridir. Elmi əsərlərə toponimikaya, dünyanın iqtisadi və siyasi coğrafiyasına, turizmə həsr edilmişdir. E.B.Nuriyev bir çox elmi simpoziumlarda, konfranslarda, Coğrafiya Cəmiyyətlərinin qurultaylarında çıxışlar etmişdir. Dəfələrlə BDU-nin, Azərbaycan Təhsil Nazirliyinin Fəxri Fərmaları ilə təltif edilmişdir.

• 2015, Гидронимы Северо-Восточно го Азербайджана

• 2015, Kadrların hazırlanmasında topo nimik materiallardan istifadənin əhəmiyyəti

• 2015, Rekreasiya sisteminin ərazi təşkili

• 2008,Turizm səyahətlərində toponimik materiallardan istifadə

• 2008, Azərbaycanda maldarlıq təsərrüfatını əks etdirən bəzi toponimlər

• 2007, Rekreasiya ehtiyatları və onların qiymətləndirilməsi

• 2007, Azərbaycan Respublikasında kənd turizminin imkanları və inkişaf perspektivləri

• 2007, Azərbaycanda kənd turizminin inkişaf perspektivləri

• 2007, Azərbaycanın coğrafi adları adlları qədim mənbələrdə

• 2007, Oykonimlərin yaranmasında əhali miqrasiyasının rolu

• 2005, Şamaxı rayonunun sosial-iqtisadi inkişafında turizm imkanları

• 2005, Miqrasion paralel toponimlər

• 2005, Beynəlxalq turizmin dünya iqtisadiyyatında yeri

Kitablar

• 2000, Azərbaycan Xalq coğrafi terminlər

• 1988, Azərbaycan SSR-in Şəki-Zaqatala zonasının toponimiyası

Həmçinin bax

• Dadaş Ələsgərov

• Tapdıq Həsənov

Xarici keçidlər

Elxan Nuriyev