Elxan Səmədov

Elxan Səmədov (Azərbaycan Peşəkar Futbol Liqasının prezidenti (2022—bu günə kimi).

Elxan Səmədov
Elxan Zakir oğlu Səmədov
Doğum tarixi	14 yanvar 1974
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Uşağı	1
Atası	Zakir Səmədov
Milliyyəti	azərbaycanlı
Dini	İslam
İxtisası	Filoloq
Təhsili	Azərbaycan Dövlət Dillər Universiteti, “Georgetown University” “International Law Institute”
Fəaliyyəti	futbol
www.pfl.az

Həyatı

Təhsili

Elxan Zakir oğlu Səmədov 1974-cü il 14 yanvar tarixində Bakı şəhərində anadan olub. 1980-1990-cı illərdə Bakı şəhəri 134 saylı orta məktəbdə oxuyub. 1990-1995-ci illərdə Azərbaycan Dövlət Dillər Universitetində təhsil alıb. 1995-1999-cu illərdə bu Univeristetin Aspiranturasında təhsilini davam etdirib.

2001-ci ildə İtaliyanın Turin şəhərində “International Labor Organization & Training Center” Mərkəzində təhsil alıb. 2006-cı ildə Filologiya elmləri namizədi dərəcəsinə yiyələnib. 2007-ci ildə ABŞ-nin paytaxtı Vaşinqton şəhərində yerləşən “Georgetown University”nin “International Law Institute”nda təhsil alıb.

İş təcrübəsi

1993-1999 “Pennzoil Caspian Corporation” və “Caspian International Petroleum Company” (CIPCO neft konsorsiumu) şirkətlərində. 1999-2001 Təhsil Nazirliyində, Dünya Bankının Layihə İdarəetmə Qrupunda Təchizat şöbəsinin rəhbəri. 2001-2009 “Karasu Operating Company” və “Absheron Operating Company” şirkətlərində. 2009-2010 AFFA-da Uşaq Futbolunun İnkişafı şöbəsinin direktoru. 2013-2015 Gənclər və İdman Nazirliyində, Bakı - 2015 Avropa Oyunlarında Təchizat şöbəsinin rəhbəri. 2021-ci ildən bu günədək AFFA-da VAR şöbəsinin rəhbəri. 2022-ci ildən bu günədək PFL-in Prezidenti.

Ailəsi

Evlidir, bir övladı var.

Digər məlumat

UEFA-nın məşqçilər üzrə “B” lisenziyasına sahibdir. Futbol, futzal, mini futbol və çimərlik futbolu üzrə Azərbaycanda və beynalxalq arenada, peşəkar və həvəskar yarışlarda iştirak edib, yarışmaların “Ən məhsuldar” və “Ən yaxşı” oyunçusu kimi seçilib.

Bildiyi xarici dillər - rus, ingilis və türk dilləri.