Embassy Suites by Hilton

Embassy Suites by Hilton
Embassy Suites by Hilton
Ümumi məlumatlar
Tipi	Otel
Sənaye	Beynəlxalq sahədə fəaliyyət göstərən otel
Məhsulları	Turizm, İnşaat
Təsis tarixi	1984
Rəhbərlik
Rəhbərlik	Hilton Otel Şəbəkəsi
	Hilton Embassy Suites rəsmi internet səhifəsi

Embassy Suites by Hilton — Hilton Otellər Şəbəkəsinin suitlərdən ibarət olan dəbdəbəli ticari markası. 2015-ci il sentyabr ayının 30-da otelin 6 ölkə ərazisində 223-dən çox filialı mövcud idi.^[1] Hilton digər otel brendləri kimi, əksər Embassy Suites otelləri fərdi mülkiyyətdədir və ya françayzinqlər tərəfindən idarə edilir.

Tarixi redaktə

Embassy Suites ilk öncə daha çox Holiday İnns kimi tanınan Holiday Korporasiyası tərəfindən yaradılmışdır. İlk Embassy Suites oteli 1984-cü ildə Kanzasda Overland parkında fəaliyyətə başlamışdır.

1990-cı ildə, Embassy Suites otelinin ana şirkəti Promus Companies Incorporated olur.

1999-cu ilin dekabr ayında, Embassy Suites oteli Hilton Otellər Şəbəkəsi və Promus Otel Korporasiyası birləşəndən sonra Hilton Şirkətinə qoşulur.

2007-ci ilin iyul ayında, Blackstone qrupu Hilton Otellərini $ 26 milyard alacağını elan edir.^[2]

Mülkiyyət xüsusiyyətləri və servisi redaktə

Embassy Suites yalnız suitlərdən ibarət olan otel zənciridir. Bu otel zəncirinin bütün qonaq otaqları iki hissədən ibarət olur: qonaq otağı və yataq otağı. Bir çox otellərdə olduğu kimi, qonaqlar böyük ölçülü çarpayı və ya iki ayrı geniş çarpayı seçə bilərlər. Qonaq otağında adətən yumşaq mebel dəsti və televizor olur.

Reklamları redaktə

2011-ci ilin əvvəllərində, Embassy Suites yeni 3 ədəd 30 saniyəlik reklam filmini yayınladı. Bu reklam filmi əksər bazarlarda 2011-ci ilin mart ayından sonra nümayiş edildi. Reklam filmində Cənab Mor adlı bir personaj var idi və Roman Kappola tərəfindən yönləndirilmişdir. Bu reklam seriyalarında Embassy otellərinin üç əsas standartları vurğulanırdı: Əsl iki otaq suitləri, Bişir-servis et səhər yeməyi və Menecer qəbulu. Reklam filmində olan nəzərəçarpan ifadə isə belə idi: “Çoxdan daha çox və azdan daha az əldə etməkdən yaxşı nə ola bilər?”.

2000-ci illərdə, Embassy Suites reklam filmlərində Austin adlı bir oğlan Embassy Suites otelində ailəsi olan məzuniyyəti təsvir edirdi. 1980-ci illərdə və 1990-cı illərin əvvəllərində Embassy Suites reklam filmləri öz reklam çarxlarında Qarfildi göstərərək belə bir sloqan əlavə etmişdilər: “ Suit həyatının zövqünü yaşamaq üçün kök bir pişik olmağına ehtiyac yoxdur”.