Emil Quliyev

Emil Quliyev (5 fevral 1986, Bakı) — Azərbaycan kinorejissoru, ssenaristi və prodüseri. Beynəlxalq kinofestivallarda müxtəlif mükafatların sahibi.[1] Polis kapitanı.[1]

Emil Quliyev
Doğum tarixi 5 fevral 1986(1986-02-05) (36 yaş)
Doğum yeri
Vətəndaşlığı
Fəaliyyəti prodüser, ssenarist, kinorejissor
Təhsili Rusiya DİN-in Moskva Universiteti
IMDb ID 7665975

HəyatıRedaktə

Emil Quliyev 5 fevral 1986-cı ildə Bakı şəhərində anadan olub.[2] 68 nömrəli orta məktəbi bitirib. Rusiya Federasiyası DİN-in Moskva Universitetinin hüquq fakültəsini bitirib.[3] Polis kapitanıdır.[1]

2011-ci ildən özünü kino sahəsində sınayan Emil "İnkoqnito" adlı ilk qısametrajlı filmini ərsəyə gətirir. 50-yə yaxın qısametrajlı, üç tammetrajlı film çəkib. Rejissorun "Ümid" filmi Tulada "Shorti" qısametrajlı filmlərin V Qran-pri müstəqil kinofestivalında və Mazandaranda VIII Beynəlxalq "Varesh International Film Festival"ında "Ən yaxşı rejissor" mükafatına layiq görülüb, həmçinin Nyu-York film festivalında ən yaxşı film və rejissor işinə görə mükafat qazanıb. Rejissorun lentə aldığı "Paradoks" filmi Nyu-Yorkda qısametrajlı filmlər festivalında ən yaxşı film diplomuna layiq görülüb. "Tula İnternational Film Festival"ında mükafat qazanıb. Bakı Film İnstitutu tərəfindən ən yaxşı operator işinə görə və Mədəniyyət və Turizm Nazirliyi tərəfindən keçirilən "Ailə" film festivalında mükafat alıb. "Ana üçün ağla" filmi isə Nyu-York Film Festivalında mükafata layiq görülüb.[4]

FilmoqrafiyaRedaktə

Mənbə:[2][5][6]

İl Filmin adı Filmdə iştirakı Filmin növü
2012 İnkoqnito prodüser, ssenarist qısametrajlı film
2013 Paradoks rejissor, prodüser, ssenarist qısametrajlı film
2013 Ana üçün ağla rejissor, prodüser, ssenarist qısametrajlı film
2013 Çaypulu rejissor, prodüser qısametrajlı film
2014 Ümid rejissor, ssenarist qısametrajlı film
2014 Skripka rejissor qısametrajlı film
2016 Pərdə rejissor, ssenarist, prodüser tammetrajlı film
2017 İkinci pərdə rejissor, ssenarist tammetrajlı film
2018 Fəlakət rejissor, ssenarist tammetrajlı film
2019 Sonuncu pərdə rejissor tammetrajlı film
2020 Mən burada tək olmuşam rejissor tammetrajlı film
2022 Körpü rejissor çoxseriyalı bədii film
2022 Əqrəb mövsümü rejissor bədii serial

İstinadlarRedaktə

  1. 1 2 3 ""Pərdə"nin rejissoru: Sillə səhnəsindəki dublların sayı-hesabı yoxdur – MÜSAHİBƏ". Oxu.az. 2021-01-15 tarixində arxivləşdirilib. İstifadə tarixi: 2019-04-29.
  2. 1 2 "Эмиль Гулиев". Kinopoisk.ru. 2019-04-30 tarixində arxivləşdirilib. İstifadə tarixi: 2019-04-29.
  3. "KİNOSSENARİÇİNİN PARADOKSU". Region Plus. 2019-04-30 tarixində orijinalından arxivləşdirilib. İstifadə tarixi: 2019-04-29.
  4. "Emil Quliyev". Tvseans.com. 2019-04-30 tarixində arxivləşdirilib. İstifadə tarixi: 2019-04-29.
  5. "Bir Xalanin Sirri (2018)". imdb.com.
  6. ""Pərdələr imkan vermir yaşamağa"- "İkinci pərdə" filminin rejissoru Emil Quliyev". BBC.com. 2021-10-21 tarixində arxivləşdirilib. İstifadə tarixi: 2019-05-11.