Emin Əmrullayev

Emin Eldar oğlu Əmrullayev — Azərbaycan Respublikasının hazırkı təhsil naziri (2020-ci ilin iyul ayından), Azərbaycan Respublikası Təhsil İnstitutunun direktoru (yanvar — iyul 2020), Azərbaycan Respublikasının Təhsil Nazirliyinin Təhsilin inkişafı proqramları şöbəsinin müdiri (mart 2015 — yanvar 2020).

Emin Əmrullayev
Azərbaycanın 5-ci Təhsil Naziri 27 iyul 2020 — hal-hazırda
Baş nazir	Əli Əsədov
Prezident	İlham Əliyev
Sələfi	Ceyhun Bayramov
Şəxsi məlumatlar
Partiya	Bitərəf
Təhsili	Azərbaycan Respublikasının Prezidenti yanında Dövlət İdarəçilik Akademiyası (2003), Mərkəzi Avropa Universiteti , Budapeşt (2004), Kolumbiya Universiteti , Nyu-York (2012)
Doğum tarixi	30 dekabr 1982
Doğum yeri	Azərbaycan SSR
Vətəndaşlığı	Azərbaycan

Həyatı

Əmrullayev Emin 1982-ci il 30 dekabr tarixində Bakı şəhərində anadan olmuşdur.

Təhsil

• 1999–2003-cü illərdə Azərbaycan Respublikası Prezidenti yanında Dövlət İdarəçilik Akademiyasının İnzibati İdarəetmə fakültəsində təhsil alıb, 2003-cü ildə bu ali təhsil müəssisəni fərqlənmə diplomu ilə bitirmişdir.
• 2003–2004-cü illərdə Mərkəzi Avropa Universitetində Siyasi Elmlər üzrə magistr pilləsində təhsil alıb.
• 2010–2012-ci illərdə "2007–2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" və "Fulbright" proqramının birgə dəstəyi ilə Kolumbiya Universitetində İctimai (İnzibati) İdarəetmə ixtisası üzrə magistr pilləsində təhsil alıb.

Karyera

• 2005–2009-ci illərdə Qafqaz Universiteti, Beynəlxalq münasibətlər fakültəsində müəllim kimi çalışıb.
• 2009–2010-cu illərdə "Kaspi Edication" MMC-də Beynəlxalq əlaqələr şöbəsinin müdiri vəzifəsində çalışıb.
• 2011-ci ildə Cenevrə şəhərində BMT-nin Avropa üzrə İqtisadi Komissiyasında (UNECE) təcrübə keçmişdir.
• 2012-ci ildə Azərbaycan Diplomatik Akademiyasında (indiki ADA Universiteti) Enerji və Ətraf Mühit Mərkəzinin icraçı direktoru vəzifəsində çalışıb.
• 2013-cü ildə "Kaspi Education" MMC-də Təhsilin keyfiyyətinə nəzarət üzrə direktor müavini vəzifəsində çalışıb.
• 2013-cü ilin iyun ayından etibarən Azərbaycan Respublikası Təhsil Nazirliyində baş məsləhətçi vəzifəsində işə başlamış, 2013–2014-cü illərdə sektor müdiri, 2014–2015-ci illərdə şöbə müdirinin müavini, 2015–2020-ci illərdə isə şöbə müdiri vəzifələrində çalışıb.
• 2020-ci ilin yanvar ayından iyul ayına qədər Azərbaycan Respublikasının Təhsil İnstitutunun direktor vəzifəsində çalışıb.
• Azərbaycan Respublikasının Prezidenti İlham Əliyevin 27 iyul 2020-ci il tarixli sərəncamı ilə Emin Əmrullayev Azərbaycan Respublikasının təhsil naziri təyin edildi.

Həmçinin bax

• Təhsil Nazirliyi (Azərbaycan)
• Təhsil
• Təhsil Cəmiyyəti
• Təhsil İşçilərinin Peşəkar İnkişafı İnstitutu

Xarici keçidlər

• Yeni Təhsil naziri
• Təhsil Nazirliyi

İstinadlar

1. "Emin Eldar oğlu Əmrullayevin Azərbaycanın təhsil naziri vəzifəsinə təyin edilməsi haqqıdna Azərbaycan Prezidenti İlham Əliyevin 27 iyul 2020-ci il tarixli Sərəncamı". www.president.az (Azərbaycan Prezidentinin rəsmi saytı) (in Azerbaijani). July 27, 2020. Retrieved 2020–07–28.
2. "Эмин Амруллаев Эльдар оглу назначен министром образования". media.az (in Russian). July 27, 2020. Retrieved 2020–07–27.
3. "Yeni Təhsil naziri təyin olunan Emin Əmrullayev" (in Azerbaijani). azxeber.com. July 27, 2020. Retrieved 2020–07–28.
4. "Yeni Təhsil naziri təyin olunan Emin Əmrullayev kimdir" (in Azerbaijani). musavat.com. July 27, 2020. Retrieved 2020–07–28.
5. "Распоряжение Президента Азербайджанской Республики о назначении Эмина Эльдар оглу Амруллаева министром образования Азербайджанской Республики". ru.president.az (in Russian). July 27, 2020. Retrieved 2020–07–28.
6. "Назначен новый министр образования Азербайджана". SalamNews.org (in Russian). 2020–07–27. Retrieved 2020–07–27.