Mehdiyev Emin Natiq oğlu - 22 sentyabr 1992, Bakı) - Azərbaycan futbolçusu, yarımmüdafəçi.

Emin Mehdiyev
Ümumi məlumatlar
Tam adı Mehdiyev Emin Natiq oğlu
Doğum tarixi (31 yaş)
Doğum yeri
Vətəndaşlığı Azərbaycan Azərbaycan
Boyu 175
Çəkisi 64 kq
Mövqeyi yarımmüdafiəçi
Karyerası
Gənclik karyerası
2009–2010 Azərbaycan Neftçi Bakı
Klub karyerası[* 1]
2010 Azərbaycan Neftçi Bakı 23 (1)
2010–2011 Azərbaycan Abşeron 17 (7)
2011–2015 Azərbaycan Neftçi Bakı 50 (1)
2015—2017 Azərbaycan Sumqayıt 20 (1)
2017—2018 Azərbaycan Səbail Bakı 2 (0)
2018 Azərbaycan Qaradağ Lökbatan
2018 Türkiyə Niksar Bələdiyyəspor
2019 Azərbaycan Keşlə Bakı 7 (0)
Milli yığma[* 2]
2007—2009 Azərbaycan Azərbaycan 6 (0)
2009—2010 Azərbaycan Azərbaycan 6 (0)
2009 Azərbaycan Azərbaycan 2 (0)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Tərçümeyi halı redaktə

Emin Mehdiyev 22 sentyabr 1992-ci ildə Bakı şəhərində anadan olmuşdur. "Neftçi" Bakı klubunun yetirməsidir, peşəkar futbolda öz fəaliyyətinə 2009-cu ildə başlamışdır. O, 2010-cu ildən "Neftçi" Bakı komandasının əsas heyətinə daxil edilmiş, həmin mövsümdə iştirak etdiyi 23 oyunda 1 qol vurmuşdur. 2010-cu ildə Emin Mehdiyev icarə qaydasında Bakının "Abşeron" komandasına keçmiş və bir mövsüm ərzində həmin komandanın əsas heyətində çıxış etmişdir. Bu komandanın tərkibində o, 17 oyun keçirmiş və 7 qol vurmuşdur. 2011-ci ildən yenidən "Neftçi" komandasına qayıtmış və 2015-ci ilədək həmin komandada oynamışdır.

2012–2013-cü və 2013-2014-cü il mövsümlərində "Neftçi" Bakı futbol komandasının tərkibində Çempionlar liqasının 2 oyununda və UEFA Avropa liqasının 4 oyununda çıxış etmişdir. Onun bu oyunlarda ilk debutu 17 iyul 2012-ci ildə Bakı şəhərində Dalğa Arena stadionunda Gürcüstanın "Zestafoni" komandasına qarşı oyunda çıxışı olmuşdur.[1] E.Mehdiyev matçın 82-ci dəqiqəsində əvəzetmə nəticəsində oyuna daxil olmuşdur. Bu görüşdə bakılılar 3:0 hesabı ilə qalib gəlmişdilər.

Azərbaycan Milli yığma komandasında redaktə

Emin Mehdiyev yeniyetmə (U-17) və gənclərdən (U-19) ibarət Azərbaycan Milli yığma komandalarının heyətlərində beynəlxalq səviyyəli oyunlarda çıxış etmək təcrübəsinə yiyələnmişdir.[2] İlk dəfə o, 2008-ci ildə yeniyetmələrdən (U-17) ibarət Azərbaycan milli komandasının tərkibində 17 yaşa qədər yeniyetmələrdən ibarət komandalar arasında keçirilən Avropa çempionatının seçmə oyunlarına cəlb edilmişdir.

Nailiyyətləri redaktə

Emin Mehdiyev "Neftçi" Bakı futbol komandasının əsas heyətində aşağıdakı uğurlara nail olmuşdur.

  • 2012-2013-cü il və 2013-2014-cü il mövsümlərində Futbol üzrə Azərbaycan çempionatının qızıl medallarını qazanmışdır.
  • Azərbaycan kuboku uğrunda keçirilən turnirlərdə 2011-2012-ci il mövsümünün finalçısı, 2012-2013-cü il mövsümünün qalibi olmuşdur.
  • 2013-cü ildə futbol üzrə Azərbaycan SuperKubokunun finalçısı olmuşdur.[3]

Xarici keçidlər redaktə

İstinadlar redaktə

  1. "Neftçi vs. Zestafoni 3 — 0". 2013-12-27 tarixində arxivləşdirilib. İstifadə tarixi: 2020-07-30.
  2. Сайт УЕФА: Общая информация — Эмин Мехтиев[ölü keçid]
  3. "Khazar Lankaran vs. Neftçi 2 — 1". 2016-03-07 tarixində arxivləşdirilib. İstifadə tarixi: 2020-07-30.