Emin Muradov

Emin İbrahimağa oğlu Muradov — (27 fevral 1986; Biləsər, Lənkəran rayonu,Azərbaycan- 20 okyabr 2020, Qubadlı rayonu, Azərbaycan) — Azərbaycan Silahlı Qüvvələrinin əsgəri, Vətən müharibəsi şəhidi.

Muradov Emin
Şəxsi məlumatlar
Doğum tarixi	27 fevral 1986
Doğum yeri	Lənkəran;Biləsər
Vəfat tarixi	20 oktyabr 2020 (34 yaşında)
Vəfat yeri	Qubadlı
Vəfat səbəbi	Şəhid
Dəfn yeri	Lənkəran;Biləsər
Vətəndaşlığı	Azərbaycan
Həyat yoldaşı	Muradova Nurəngiz
Uşaqları	Muradova Xədicə; Muradov İsmayıl
Atası	Muradov İbrahimağa
Anası	Muradova Ənbərnisə
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	01.10.2020-20.10.2020
Rütbə	Əsgər
Vəzifəsi	Snayperçi
Döyüşlər	Füzuli;Cəbrayıl;Xocavənd;Qubadlı
Təltifləri

Həyatı

Emin Muradov 1986-cı il fevralın 27-də Lənkəran şəhərində anadan olub. Orta təhsilini Biləsər kənd orta məktəbində alıb. Ailəli idi. Qızı Xədicə Muradova və oğlu İsmayıl Muradov şəhidin bizə yadigarıdır.

İkinci Qarabağ müharibəsində iştirakı

Azərbaycan Ordusunun əsgəri olan Emin Muradov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Füzulinin, Xocavəndin və Qubadlının azadlığı uğrunda gedən döyüşlərdə savaşıb.Emin Muradov oktyabrın 20-də Qubadlı döyüşləri zamanı şəhid olub. Lənkəran şəhərinin Biləsər kəndində dəfn olunub.

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin Sərəncamına əsasən Emin Muradov ölümündən sonra "Vətən uğrunda", "Cəsur döyüşçü", "Cəbrayılın azad olunması", "Qubadlının azad olunması", "Xocavəndin azad olunması", "Füzulinin azad olunması" medalları ilə təltif edilib.

Təltif və mükafatları

• — "Vətən uğrunda" medalı (ölümündən sonra)
• — "Cəsur döyüşçü" medalı (ölümündən sonra)
• — "Cəbrayılın azad olunmasına görə" medalı (ölümündən sonra)
• — "Qubadlının azad olunmasına görə" medalı (ölümündən sonra)
• — "Füzulinin azad olunmasına görə" medalı (ölümündən sonra)
• — "Xocavəndin azad olunmasına görə" medalı (ölümündən sonra)