Emqır var Emreys

Emqır var Emreys (pol. Emhyr var Emreis) – Polşa yazıçısı Andjey Sapkovskinin "Cadugər" romanlar seriyasının personajı, Nilfqaard imperatoru, Sirillanın atasıdır.

Emqır var Emreys
pol. Emhyr var Emreis
Cadugər romanlar seriyası personajı
İlk görünmə	Az qəddarlıq
Yaradan	Andjey Sapkovski
Canlandıran	Dariyuş Yakubovski Bart Edvards
Məlumat
Ləqəb(lər)i	Erlenvaldlı Yoj
Cinsi	qadın
Peşə	quldur
Titul	suveren
Həyat yoldaşı	Pavetta

Bioqrafiya

Emqır var Emreys Nilfqaard imperatoru Ferqus var Emreysin oğludur. Atasının hakimiyyətdən devrilməsindən sonra Emqır qaçaraq xilas ola bilir, lakin caduya tuş gəlir: hər gün o qorxunc kirpiyə çevrilir və yalnız gecələr insan simasına qayıdır. Bundan sonra Erlenvaldda məskunlaşan Emqır Erlenvaldlı Yoj adı ilə tanınır.

Emqır Sintra kralı Ryöqneri xilas edir və minnətdarlıq olaraq kralın "evdə qoyduöu, amma haqqında bilmədiyi" şeyi alır. Sonradan bəlli olur ki, bu hədiyyə kralın yeni doğulmuş qızı Pavettadır: on beş il sonra Yoj Sintra şahzadəsi ilə evlənir və beləliklə də cadunun təsiri keçir.

Pavetta və Emqırın Sirilla adlı qızı dünyaya gəlir. Sonradan gəmi qəzası nəticəsində Pavetta vəfat edir, onun həyat yoldaşı da itkin düşmüş sayılır. Əslində isə Nilfqaarda qayıdan Emqır imperator hakimiyyətini ələ keçirir. Bundan sonra güclü ordu yaradaraq Şimal krallıqlarını işğal etməyə başlayır. İki qanlı döyüşdən sonra Emqır Yaruq çayından cənubdakı ərazilərini öz imperiyasına birləşdirməyə müvəffəq olur.

Teleseriallarda

ABŞ istehsalı olan "Cadugər" teleserialında Emqır rolunu Bart Edvards oynamışdır.