Enqus Diton
Enqus Diton (ing. Angus Stewart Deaton; d. 19 oktyabr 1945, Edinburq, Şotlandiya, Böyük Britaniya) — Böyük Britaniya-ABŞ iqtisadçısı. 2015-ci ildə "İstehlak analizi, kasıblıq və iqtisadi rifah" mövzusundakı tədqiqatları səbəbindən İqtisadiyyat üzrə Nobel mükafatına layiq görülmüşdür.
| Enqus Diton | |
|---|---|
| ing. Angus Stewart Deaton | |
 7 dekabr 2015. | |
| Doğum tarixi | 19 oktyabr 1945 (74 yaş) |
| Doğum yeri |
Edinburq  Şotlandiya |
| Vətəndaşlığı |
 Böyük Britaniya, ABŞ |
| Elm sahəsi | Mikroiqtisadiyyat |
| Elmi dərəcəsi | fəlsəfə dоktоru |
| İş yeri |
Prinston Universiteti Bristol Universiteti Kembric Universiteti |
| Elmi rəhbəri | Riçard Stoun |
| Üzvlüyü |
|
| Mükafatları |
 2015 İqtisadiyyat üzrə Nobel mükafatı |
| princeton.edu/~deaton/ | |
 Vikianbarda əlaqəli mediafayllar | |
HəyatıRedaktə
1945-ci ildə Şotlandiyanın Edinburq şəhərində dünyaya göz açan Enqus Diton Kembric Universitetindən məzun olmuş və 1975-ci ildə "İstehlakçı tələbi modelləri və bu modellərin İngiltərəyə tətbiqi" mövzusunda doktorluq dissertasiyası müdafiə etmişdir.[3]
Enqus Diton 1983-cü ildə ABŞ-ın Prinston Universitetinin iqtisadiyyat fakültəsində müəllim kimi fəaliyyətə başlamışdır.[3] Hazırda bu universitetin və Vudro Vilson adına İctimai və Beynəlxalq Münasibətlər Məktəbinin professorudur.[3]
Enqus Ditonun 1980-ci ildə nəşr etdiyi "İdeal tələb sistemi" (AIDS) onun dünya miqyasında tanınmasını təmin etmişdir.[4]
Ekonometriya Cəmiyyəti tərəfindən 1978-ci ildə “Frisch” medalına layiq görülən Enqus Ditonun 2007-ci ildən Amerika İqtisadiyyat Assosiasiyasının sədridir.[4] O, “Böyük qaçış: sağlamlıq, zənginlik və bərabərsizliyin kökləri” (ing. “The great escape: health, wealth and the origins of inequality”) adlı məşhur kitabını 2013-cü ildə nəşr etdirmişdir.[4]
Diton iqtisadiyyat üzrə elmi-populyar kitabların müəllifi, həmçinin başqa dövlətlərə iqtisadi yardım göstərməyin əleyhdarı kimi də tanınır.[4] Alim dəfələrlə bəyan etmişdir ki, itisadi firavanlıq əldə etmək üçün dövlətin iş qabiliyyətini yüksəltmək lazımdır, iqtisadi yardımla bunu başa gətirmək mümkün deyildir.[4]
İstinadlarRedaktə
- ↑ http://www.nasonline.org/member-directory/members/3469.html
- ↑ https://www.amacad.org/person/angus-stewart-deaton
- ↑ 1 2 3 İqtisadiyyat sahəsində 2015-ci ilin Nobel mükafatı laureatı. Azərbaycanın vergi jurnalı, № 5 (125), 2015, səh. 198. (azərb.)
- ↑ 1 2 3 4 5 İqtisadiyyat sahəsində 2015-ci ilin Nobel mükafatı laureatı. Azərbaycanın vergi jurnalı, № 5 (125), 2015, səh. 199. (azərb.)