Ensizyarpaq yağıotu

Ensizyarpaq yağıotu (lat. Epilobium angustifolium) — bitkilər aləminin mərsinçiçəklilər dəstəsinin onaqrakimilər fəsiləsinin yağıotu cinsinə aid bitki növü.

Ensizyarpaq yağıotu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Malvids Dəstə: Mərsinçiçəklilər Fəsilə: Onaqrakimilər Yarımfəsilə: Onagroideae Triba: Epilobieae Cins: Yağıotu Növ: Ensizyarpaq yağıotu
Beynəlxalq elmi adı
Epilobium angustifolium L., 1753
Şəklin VikiAnbarda axtarışı ITIS   27284

Qısa morfoloji təsviri

Çoxillik, yoğun, sürünən kökümsovlu bitkidir. Gövdəsi düz, sadə və ya budaqlı, nazik tüklənmiş, aşağısı çılpaq, hündürlüyü 1 m çatır. Yarpaqlarının uzunluğu 4-12 (18) sm, eni 8-20 (30) mm, əsasən ardıcıl düzülmüş, oturaq və ya qısa saplaqlı, uzunsov və ya xəttvari-lansetvari, ucubiz, çılpaq, qıraqları demək olar bütöv və ya xırda vəzili, yaxud vəzivari diş-dişli, üstü tünd yaşıl, parlaq, altı qonurtəhər rəngdədir. Çiçəkləri xırda, uzunsov çicəkaltlıqların qoltuğunda yerləşir və yığılaraq kövrək salxım əmələ gətirirlər. Kasacığının uzunluğu 9-12 mm, lansetvari, xırda tükcüklü dilimlidir. Ləçəklərinin uzunluğu 10-15 mm, eni 5-8 mm, tərsyumurtavari, bənövşəyi, bəzən açıq çəhrayı və ya ağ rəngdədir. Qutucuğu 5-8 sm uzunluğunda, meyvəsaplağı ilə birlikdə xırda tüklüdür. Toxumları 1,5 mm qədər, uzunsov-oval, çılpaq, açıq mixəyidir.

Yayılması

BQ qərbi, BQ şərqi, BQ Quba sahəsinin rayonlarında yuxarı dağ qurşağından subalp qurşağına kimi yayılmışdır. Meşədə, çınqıllı yerlərdə və çəmənlərdə bitir.

Sinonimləri

Homotipik sinonimləri

• Chamaenerion angustifolium (L.) Scop.
• Chamerion angustifolium (L.) Holub
• Pyrogennema angustifolium (L.) Lunell

Yarımnövləri

• Epilobium angustifolium subsp. angustifolium
• Epilobium angustifolium subsp. circumvagum Mosquin
• Epilobium angustifolium subsp. macrophyllum (Hausskn.) Hultén